សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ បុរសម្នាក់ស្រវឹងស្រា ជោកជាំបានបើករថយន្តទៅបុកឃឿន និងបង្គោលភ្លើងបណ្តាលអោយបែកឃឿន និងបុកម៉ូតូសមត្ថកិច្ចដួលអស់មួយគ្រឿង និងខ្ទេចខាងមុខទៅលែងរួច និងផ្ទុះពោងទាំងសងខាង និងខ្ទេចអស់មួយកំណត់ខាងមុខ ។
ហេតុការណ៍នេះ បង្កអោយមានការភ្ញាល់ផ្អើលកាលពីវេលាម៉ោង00និង២០នាទីរំលងអធាត្រ ឈានចុលថ្ងៃទី២៣ ខែមករា ឆ្នាំ២០១៧ តាមបណ្តោយផ្លូវ១៦៩ នៅចំណុចក្តានពីរ ស្ថិតនៅក្នុងសង្កាត់មិត្តភាព ខណ្ឌ៧មករា ។
សមត្ថកិច្ចបានឲ្យដឹងថា មុនពេលកើតហេតុ កម្លាំងសមត្ថកិច្ចខណ្ឌ៧មករាកំពុងល្បាត ហើយមកដល់ចំណុចកើតក៏ឈប់ម៉ូតូនៅក្តាន់ពីរ ក៏ស្រាប់តែមានបុរសម្នាក់បានបើករថយន្ត១គ្រឿង ម៉ាក CRV ពណ៌ស ពាក់ស្លាកលេខ ភ្នំពេញ 2Z5468 ទាំងស្រវឹងស្រាជោកជាំ ដោយបើកបរតាមបណ្តាលផ្លូវ១៦៩ ក្នុងទិសដៅពីត្បូងទៅជើង ក្នុងល្បឿនយ៉ាងលឿនដូចហោះ មកដល់ចំណុចក្តាន់ពីរ ផ្លូវបត់ស្តាំ តែរថយន្តបង្កមិនបានបត់នោះទេ ក៏ទៅត្រង់វិញ តែជ្រុលទៅបុកម៉ូតូសមត្ថកិច្ចបណ្តាលអោយដួល និងបុកឃឿន និងបុកបង្គោលភ្លើងខ្ទាតថ្មទៅលើសួន តែសំណាងល្អ មិនមានមនុស្សត្រូវរបួសនោះទេ ចំណែកឯរថយន្តបង្កវិញ ខូចខាតខ្ទេចមួយកំណត់ខាងមុខ និងផ្ទុះពោងទាំងសងខាង ទៅមុខលែងរួច ភ្លាមៗនោះដែរ សមត្ថកិច្ចក៏បានឃាត់ខ្លួនម្ចាស់ថរយន្តបង្ក យកទៅអធិការដ្ឋាននគរបាលខណ្ឌ៧មករា។
ក្រោយពេលកើតហេតុ សមត្ថកិច្ចខណ្ឌ៧មករា បានប្រគល់រថយន្តបង្កអោយទៅការិយាល័យចរាចរណ៍ជើងគោក រង់ចាំដោះស្រាយគ្នានៅពេលក្រោយទៀត ៕ ស រស្មី
