សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលប៉ុស្តិ៍កន្ទោកធ្វើការឃាត់ខ្លួនជនសង្ស័យចំនួន៤នាក់ដកហូតថ្នាំញៀនមួយចំនួន ខណៈពួកគេពួនសំងំប្រើប្រាស់ក្នុងផ្ទះមួយកន្លែង។
ហេតុការណ៍នេះបានកើតឡើងកាលពីវេលាម៉ោង១២និង៣០នាទីថ្ងៃត្រង់ ថ្ងៃទី៩ខែគុម្ភះ ឆ្នាំ២០១៧ នៅចំណុចផ្ទះមួយកន្លែងភូមិគំរាម សង្កាត់កន្ទោក ខណ្ឌពោធិ៍សែនជ័យ ។
ជនសង្ស័យទី១ឈ្មោះសោមវិដែន ភេទប្រុស អាយុ២២ ឆ្នាំ ស្នាក់ភូមិស្ងួនពេជ្រ សង្កាត់កន្ទោក ខណ្ឌពោធិសែនជ័យទី២ឈ្មោះ ម៉ុនភារម្យ ភេទប្រុសអាយុ១៧ ឆ្នាំ ស្នាក់នៅភូមិព្រៃបឹង សង្កាត់ កន្ទោក ខណ្ឌពោធិ៍សែនជ័យ ទី៣ឈ្មោះនិលសំណាង ភេទប្រុសអាយុ២៤ឆ្នាំ មុខរបមិនពិតប្រាកដស្នាកនៅ ភូមិគំរាម សង្កាត់កន្ទោក ខណ្ឌពោធិ៍សែនជ័យ ទី៤ឈ្មោះ កើតសំអៀង ភេទប្រុសអាយុ ១៦ឆ្នាំ ស្នាក់នៅបែកចាន សង្កាត់កន្ទោក ខណ្ឌពោធិ៍សែនជ័យ។
តាមសមត្ថកិច្ចបានអោយដឹងថាដោយមានការរាយការពីបងប្អូនប្រជាពលរដ្ឋថាមាន មានក្រុមជនសង្ស័យមួយក្រុមបានធ្វើសកម្មភាពជូញដូគ្រឿងញៀនទើបកម្លាំងនគរបាលចុះប្រតិបត្តិការធ្វើការឆែកឆេដល់ផទះជនសង្ស័យរកឃើញថ្នាំញៀនចំនួន៨កញ្ចប់ក្នុងនោះធំ២កញ្ចប់ និងសំភារះប្រើប្រាស់មួយចំនួន។
ក្រោយពីការឃាត់ខ្លួនជនសង្ស័យទាំង៤នាក់ត្រូវបានកម្លាំងនគរបាលប៉ុស្តិ៍កន្ទោកយកទៅសាកសួនិងកសាងសំណុំរឿងបញ្ជួនទៅអធិការដ្ឋាននគរបាលខណះពោធិិ៍សែនជ័យចាត់ការបន្ត ៕ សុខាសែនជ័យ
