សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរស២នាក់រងរបួសធ្ងន់ ស្រាល ខណៈកំពុងជិះម៉ូតូលើកំណាត់ផ្លូវជាតិលេខ១ ត្រូវរថយន្តមិនស្គាល់ម៉ាក បើកទិសដៅបញ្ច្រាសគ្នាបុកពេញទំហឹង កាលពីវេលាម៉ោង៩និង១០នាទីយប់ ថ្ងៃទី៨ ខែកុម្ភៈ ឆ្នាំ២០១៧ ចន្លោះគីឡូម៉ែតលេខ ១២៦/១២៧ ភូមិ បាក់រនាស់ សង្កាត់ សង្ឃ័រ ក្រុងស្វាយរៀង។
យោងតាមសមត្ថកិច្ចនគរបាលក្រុងស្វាយរៀងបានអោយដឹងថា បុរសរងគ្រោះទាំង២នាក់ មានឈ្មោះសុខ ភក្ខី អាយុ២១ឆ្នាំ មុខរបរសិស្សមានទីលំនៅភូមិមេភ្លើង សង្កាត់ស្វាយរៀង ក្រុងស្វាយរៀង និងឈ្មោះ ជា ទូច ចម្រើនអាយុ២០ឆ្នាំ រស់នៅភូមិអណ្ដូងឫស្សី សង្កាត់ព្រៃឆ្លាក់ ក្រុងស្វាយរៀង ខណៈបើកបរម៉ូតូម៉ូតូម៉ាក C១២៥ ពណ៌ខ្មៅ ពាក់ស្លាកលេខ ស្វាយរៀង ១H ៦៩៦៦ ខូចខាតយ៉ាងដំណំ ។
ប្រភពបន្តថា ចំណែកអ្នកបើករថយន្តមិនត្រូវស្គាល់ឈ្មោះនោះទេ ក្រោយកើតហេតុបានបើកគេចចេញភ្លាមៗបាត់ស្រមោលតែម្ដង ។
តាមសាក្សីបានអោយដឹងថា មុនកើតហេតុ មានបុរស២នាក់បានជិះម៉ូតូមួយគ្រឿង លើកំណាត់ផ្លូវជាតិលេខ១ ក្នុងទិសដៅពីកើតមកលិច ខណៈមកដល់ផ្លូវបំបែកជា៤ ស្រាប់តែមានរថយន្តមួយគ្រឿងមិនស្គាល់ ដែលបើកបញ្ច្រាសគ្នាហើយ ក៏បានបត់ឆ្វេងខ្វះការប្រុងប្រយត្ន័បុកនឹងម៉ូតូពេញទំហឹងលាន់សូរដូចរន្ទះ បណ្ដាលអោយមនុស្ស និងម៉ូតូខ្ទាតរដូករណែលពេញផ្លូវ។
បន្ទាប់មក អ្នកបើករថយន្តមិនបានឈប់នោះទេ បានបន្ថែមល្បឿនបើកគេចចេញពីកន្លែងកើតហេតុភ្លាមៗតែម្ដង។ ក្រោយមកប្រជាពលរដ្ឋបានរាយការណ៍មកសមត្ថកិច្ចមូលដ្ឋានដឹកជនរងគ្រោះមកកាន់មន្ទីរពេទ្យខេត្តស្វាយរៀងដើម្បីសងគ្រោះជីវិត ។
ចំណែកម៉ូតូត្រូវបានយករក្សាទុកនៅអធិការដ្ឋានក្រុងស្វាយរៀង និងស្រាវជ្រាវរករថយន្តបង្កហេតុដើម្បីចាត់ការបន្តតាមច្បាប់ ៕ យឹម សុថាន
