សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្រ្តីម្នាក់បានរងរបួសធ្ងន់ បន្ទាប់ពីជួបគ្រោះថ្នាក់ចរាចរណ៍ រវាងម៉ូតូបុកម៉ូតូ ហើយរថយន្តប៉ែនដឹកកម្ទេចថ្មហ្វ្រាំងមិនទាន់ជ្រុលទៅបុកស្រ្តីអ្នកបើកម៉ូតូ របួសបាក់ជើងទាំងសងខាង ហើយអ្នកបើកបររត់គេចខ្លួនបាត់ស្រមោល ។
ហេតុការណ៍នេះ កើតឡើងនៅវេលាម៉ោង៨និង៥០នាទីព្រឹកថ្ងៃទី១០ ខែកុម្ភៈ ឆ្នាំ ២០១៧នៅចំណុចផ្លូវ២៧១សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
បើតាមប្រភពព័ត៌មានពីកន្លែងកើតហេតុបានអោយដឹងថា មុនកើតហេតុគេឃើញ ម៉ូតូម៉ាក ហុងដាម៉ាក Zoomer X ពណ៌ស ក្នុងទិសដៅពីត្បូងទៅជើង ស្របទិសជាមួយម៉ូតូមួយគ្រឿងទៀត ម៉ាកធូដេ បានពាក់ដៃចង្កូតគ្នាបណ្ដោលអោយដួល ស្រាប់តែមានរថយន្តបែនដឹកកម្ទេចថ្មមួយគ្រឿង ពណ៍ស ពាក់ស្លាកលេខ ភ្នំពេញ 3D.2045 ចាប់ហ្វ្រាំងមិនទាន់ ជ្រុលទៅបុកម៉ូតូម៉ាកZoomer X ធ្វើដំណើរដោយស្រ្តីម្នាក់បណ្ដោយអោយរងរបួសបាក់ជើងទាំងសងខាង ហើយអ្នកបើកបររត់គេចខ្លួនបាត់ស្រមោល ។
ក្រោយពេលកើតហេតុ ជនរងគ្រោះ ដែលរងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ចំណែករថយន្តបង្ក និងម៉ូតូត្រូវបានសមត្ថកិច្ចវាស់វែងយកទៅរក្សាទុកនៅអធិការដ្ឋាននគរបាលខណ្ឌចំការមនដើម្បីរង់ចាំដោះស្រាយនៅពេលក្រោយ ៕ ស រស្មី
