ជនសង្ស័យម្នាក់ត្រូវសមត្ថកិច្ចឃាត់ខ្លួនបន្ទាប់ពីធ្វើសកម្មភាពឆក់ទួរសព្ទ័ពីនារីម្នាក់

ភ្នំពេញ; ជនសង្ស័យម្នាក់ត្រូវនគរបាលប៉ុស្តិ៍អូឡាំពិក ឃាត់ខ្លួន បន្ទាប់ពីធ្វើសកម្មភាពឆក់ទួរសព្ទ័ដៃ១គ្រឿង ពីនារីម្នាក់បានសម្រេច តែរត់មិនរួច  បង្កការភា្ញក់ផ្អើលកាលវេលាម៉ោង១១និង២០ នាទីព្រឹក ថ្ងៃទី១២ ខែកុម្ភៈ ឆ្នាំ២០១៧ នៅចំណុចមុខផ្ទះលេខ368E សូន្យផ្លូវ163 ភូមិ5 សង្កាត់អូឡាំពិក ខណ្ឌចំការមន រាជធានីភ្នំពេញ ។

ជនសង្ស័យមានឈ្មោះ យ៉ែម យ៉ុម ភេទប្រុស អាយុ39ឆ្នាំ ជនជាតិខ្មែរ ស្នាក់នៅភូមិជ្រោយអំពិល សង្កាត់ក្បាលកោះ ខណ្ទច្បារអំពៅ មុខរបររត់ម៉ូតូឌុប។

ចំណែកជនរងគ្រោះមានឈ្មោះ តាំង គឹមលាង ភេទស្រី អាយុ27ឆ្នាំ ជនជាតិខ្មែរ មុខរបរបុក្កលិកក្រុមហ៊ុន  ស្នាក់នៅផ្ទះលេខ462D ផ្លូវលេខ93 ក្រុម27 សង្កាត់ទន្លេបាសាក់ ខណ្ទចំការមន រាជធានីភ្នំពេញ ។

បើតាមប្រភពព័ត=មានពីជនរងគ្រោះបានរៀបរាប់ប្រាប់សមត្ថកិច្ចអោយដឹងថា មុនកើតហេតុ រូបខ្លួនបានជិះម៉ូតូស្កូពី មួយគ្រឿង ពណ៌ផ្ទៃមេឃ ទើបតែចេញពីផ្ទះខាងលើ មកផ្សារអូឡាំពិក ខណៈមកដល់ចំណុចផ្លូវកើតហេតុខាងលើ ក៏ស្រាប់តែត្រូវបានជនសង្ស័យម្នាក់ជិះម៉ូតូ C125ពណ៌ខ្មៅពាក់ផ្លាលេខភ្នំពេញ 1UB .3786 មកអែបហើយ ក៏ធ្វើសកម្មភាពឆក់ទូរសព្ទដៃ ម៉ាកសាំសុងកាឡាក់ស៊ីណូតហ្វយ ពីជនរងគ្រោះ ហើយភ្លាមៗនោះ ក៏ត្រូវជនរងគ្រោះស្រែកចោរៗ ខណៈពេលនោះ ក៏ត្រូវកំលាំងសម្ថកិច្ចកំពុងល្បាតបានដេញចាប់បានភ្លាមៗតែម្តង  ។

ក្រោយកើតហេតុ ជនសង្ស័យរួម និងវត្ថុតាងត្រូវបានសមត្ថកិច្ចប៉ុស្តិ៍អូឡាំពិកបាននាំខ្លួនទៅអធិការដ្នាននគរបាលខណ្ឌចំការមនដើម្បីចាត់ការតាមច្បាប់ ។

ចំណែកទូរស័ព្ទដៃម៉ាកសាំស៊ុងកាឡាក់ស៊ីណូតហ្វយ ពណ៌មាសលេខស៊ីម 011 989 878 បានដកហូតនិងប្រគល់ឲ្យជនរងគ្រោះវិញ ៕ ស រស្មី