១៥នាទីកើតមានគ្រោះថ្នាក់ចរាចរណ៍២លើក តាមបណ្តោយផ្លូវព្រះស៊ីសុវត្ថិ ខណ្ឌដូនពេញ

ភ្នំពេញ: មានគ្រោះថ្នាក់ចរាចរណ៍២កន្លែង នៅក្នុងទឹកដីខណ្ឌដូនពេញក្នុងតែជាង១៥នាទី បណ្តាលឲ្យមាន មនុស្សម្នាក់រងរបួសធ្ងន់ និងខូចខាតរថយន្តរួមទាំងម៉ូតូ៣គ្រឿងកាលពីរំលងអធ្រាត្រឈានចូលថ្ងៃទី៤ ខែមីនា ឆ្នាំ២០១៧។

នគរបាលខណ្ឌទួលគោកបានឲ្យដឹងថា ករណីទី១ កើតឡើងនៅផ្លូវព្រះស៊ីសុវត្ថិ ក្នុងសង្កាត់ស្រះចក ខណ្ឌដូនពេញ នាម៉ោង ១និង៥នាទីអធ្រាត្រឈានចូលថ្ងៃទី៤ ខែមីនា ឆ្នាំ២០១៧ បង្កឡើងដោយបុរសម្នាក់ស្រវឹង បើករថយន្តទៅបុក បង្គោលថ្មនៅមុខផែថ្ម បាក់អស់២ដើម រួចជ្រុលទៅបុក ដើមអំពិល ទើបទៅមុខលែងរួច។ បន្តាប់មកម្ចាស់រថយន្តទុករថយន្តចោល ឡើងជិះម៉ូតូឌុប គេចខ្លួនបាត់ ។ រថយន្តបន្សល់ទុកនៅកន្លែងកើតហេតុម៉ាក Great Wall GWFL.. ពណ៌លឿង ពាក់ស្លាកលេខ ភ្នំពេញ 2P-1745។

ចំណែកករណីទី២ កើតឡើងកាលពីវេលាម៉ោង ១និង២០នាទីអធ្រាត្រឈានចូលថ្ងៃទី៤ ខែមីនា ឆ្នាំ២០១៧ នៅផ្លូវព្រះស៊ីសុវត្ថិក្នុងសង្កាត់វត្តភ្នំខណ្ឌដូនពេញនៅមុខរង្គសាលទន្លេសាប បង្កឡើងដោយម៉ូតូនិងម៉ូតូបុកគ្នា បណ្តាលឲ្យមនុស្សម្នាក់ រងរបួសធ្ងន់ត្រូវដឹកទៅសង្រ្គោះ នៅមន្ទីរពេទ្យ។ ក្រោយពេលកើតហេតុសមត្ថកិច្ចបានយក មធ្យោបាយទាំងអស់ មកកាន់ ការិយាល័យនគរបាលចរាចរណ៍ផ្លូវគោករាជធានីភ្នំពេញ ដើម្បីដោះស្រាយតាមច្បាប់ពេលក្រោយ៕ ប្រាថ្នា