សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្រ្តីម្នាក់ត្រូវបានចោរឆក់កាបូបស្ពាយខណ:ពេលដែលធ្វើដំណើរជូនប្តីឡើងយន្តហោះ គ្រាន់តែបានទៅដល់មុខអាកាសយានដ្ឋានអន្តរជាតិភ្នំពេញ ក៏ស្រាប់តែលេចមុខជនសង្ស័យម្នាក់បានជិះម៉ូតូមួយគ្រឿងធ្វើសកម្មភាពឆក់កាបូបស្ពាយទៅបាត់ដោយសុវត្ថិភាព ហើយគាត់បានស្រែកថាចោរៗដើម្បីអោយសមត្ថិកិច្ចជួយ តែជនសង្ស័យបានគេចខ្លួនបាត់ស្រមោល។
ហេតុការណ៍នេះកើតនៅវេលាម៉ោង៦ព្រឹក ថ្ងៃទី៥ ខែមីនា ឆ្នាំ២០១៧ តាមបណ្តោយផ្លូវសហព័ន្ធរុស្ស៊ី នៅចំណុចមុខអាកាសយានដ្ឋានអន្តរជាតិភ្នំពេញ ស្ថិតនៅភូមិក្បាលដំរី សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
ស្រ្តីរងគ្រោះដែលត្រូវបានចោរឆក់កាបូបស្ពាយនោះឈ្មោះ ប្រាក់ និមល អាយុ៣៤ឆ្នាំ មុខរបរនៅផ្ទះ ស្នាក់នៅបច្ចុប្បន្ននៅឯស្រុកំណើត នៅភូមិព្រៃចំបក់ ឃុំតាំងយ៉ាប ស្រុកព្រៃកាបាស ខេត្តតាកែវ ។
ការការរៀបរាប់ពីស្រ្តីរងគ្រោះបានអោយដឹងថា មុនពេលកើតហេតុខ្លួននិងប្តីរួមជាមួយប្អូន៣នាក់ទៀតបានធ្វើដំណើរដោយរឺម៉ក់កង់បីចាកចេញពីសណ្ឋាគារមួយកន្លែងនៅម្តុំគីឡូលេខ៤ ឆ្ពោះទៅអាកាសយានដ្ឋានអន្តរជាតិភ្នំពេញតាមបណ្តោយផ្លូវសហព័ន្ធរុស្ស៊ីក្នុងទិសដៅពីជើងទៅត្បូង គ្រាន់តែបានទៅដល់មុខប្រលានយន្តហោះ មិនបានចូលផងក៏ស្រាប់តែលេចមុខជនសង្ស័យម្នាក់ជិះម៉ូតូឌ្រីមសង់មិនចាំស្លាលេខ បានជិះមកអែបរឺម៉កកង់បីរបស់គាត់ហើយធ្វើសកម្មភាពឆក់យកកាបូបស្ពាយរបស់គាត់តែ ម្តង ហើយកាបូបស្ពាយគឺគាត់បានស្ពាយជាប់ខ្លួន ហើយបានដាក់កូនតូចរបស់គាត់ហ្នឹងលើកាបូបហ្នឹងទៀត ធ្វើអោយកូនតូចទើបតែអាយុ១ឆ្នាំរបស់គាត់ប៊ិចនឹងជួបគ្រោះថ្នាក់ធំ។ ភ្លាមៗនោះដែរប្តីរួមនឹងអ្នកធ្វើដំណើរជាមួយគ្នាបានស្រែកថា ចោរៗឆក់កាបូបហើយ!! ដើម្បីអោយគេជួយ តែពេលនោះមិនសូវមានមនុស្សម្នាច្រើន ទើបធ្វើអោយជនសង្ស័យមានឱកាសគេចខ្លួនបានដោយសុវត្ថិភាព។ ហើយស្រ្តីរងគ្រោះបានជូនប្តីឡើងហោះហើយទើបមកដាក់ពាក្យបណ្តឹង។
សមត្ថកិច្ចបានអោយដឹងថា សម្ភារ:របស់ជនរងគ្រោះដែលបានបាត់បង់នោះមាន ទូរស័ព្ទស៊េរីទំនើបចំនួន២គ្រឿងលុយចំនួន៥០០ដុល្លារ និងសម្ភារ:មួយចំនួនទៀតសរុបជាទឹកប្រាក់ជាង១ ០០០ដុល្លា។
ក្រោយពីបានដាក់ពាក្យបណ្តឹងស្រ្តីរងគ្រោះបានធ្វើដំណើរទៅស្រុកកំណើតវិញ ហើយរងចាំមើលសមត្ថកិច្ច ធ្វើការស្រាវជ្រាវវែកមុខសញ្ញានេះ៕ សុខាសែនជ័យ
