សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីម្នាក់បានធ្វើសកម្មភាពចែកចាយគ្រឿងញៀន នៅប្លុកផ្លូវរថភ្លើងដើម្បីបន្លំរូបភាព ប៉ុន្តែទោះបីជាយ៉ាងណាក៏ដោយ សមត្ថកិច្ចនគរបាលខណ្ឌទួលគោកស្រាវជ្រាវរហូតឃាត់ខ្លួនបានជាក់ស្តែង កាលពីវេលាម៉ោង ១០និង២០នាទីព្រឹក ថ្ងៃទី៦ ខែមីនា ឆ្នាំ២០១៧ ប្រព្រឹត្តនៅចំណុចផ្លូវរថភ្លើង ក្រុមទី១០៩ ភូមិ ២៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីមន្រ្តីនគបាលព្រហ្មទណ្ឌខណ្ឌទួលគោក បានឲ្យដឹងថា នារីសង្ស័យដែលសមត្ថកិច្ចឃាត់ខ្លួននោះឈ្មោះ សុខ យី ភេទស្រី អាយុ១៨ឆ្នាំ ជនជាតិខ្មែរ មុខរបបមិនពិតប្រាកដ ស្នាក់នៅមិនពិតប្រាកដ។
វត្ថុតាងចាប់យកមានៈ ក្រាមពណ៌សថ្លាចំនួន២២កញ្ចប់តូច ( សង្ស័យជាគ្រឿងញៀន ) ។
បច្ចុប្បន្នជនសង្ស័យកំពុងឃាត់ខ្លួនជាបណ្ដោះ អាសន្ននៅ អធិការដ្ឋាននគរបាលខណ្ឌទួលគោក ដើម្បីសាកសួរ កសាងសំណុំរឿង និងបញ្ជូនជនសង្ស័យទៅសាលាដំបូងរាជធានីភ្នំពេញ ចាត់ការតាមផ្លូវច្បាប់ ៕ ស តារា
