សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរត់ទៅប្តឹងសត្ថកិច្ចប៉ុស្តិ៍ចោមចៅ បន្ទាប់ពីយករថយន្តទៅផ្ញើកន្លែងបញ្ញើ២៤ម៉ោង ទីធ្លាដីវាលជិតតារាងបាល់ទាត់ ខាងលិចផ្ទះជួលដំបូលខៀវ ស្រាប់តែព្រឹកឡើង មកមើលរថយន្ត បាត់មិនឃើញរថយន្ក ក៏ផ្អើលឆោឡោ ។
ហេតុការណ៍ភ្ញាក់ផ្អើលនេះ បានកើតឡើងកាលពីវេលាម៉ោង៥ព្រឹក ខែមីនា ឆ្នាំ២០១៧ នៅដីវាលខាងលិចផ្ទះជួលដំបូលខៀវ ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
រហូតមកដល់វេលាម៉ោង៨និង៣០នាទីព្រឹកថ្ងៃទី៩ ខែមីនា ទើបទៅប្តឹងសមត្ថកិច្ច។
បុរសដែលបាត់រថយន្តនោះមានឈ្មោះ ឡាយ ចិន្តា អាយុ៣២ឆ្នាំ មុខរបរលក់ទឹកសុទ្ធ ស្នាក់នៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ មានស្រុកកំណើតឃុំញ៉ែងញ៉ង ស្រុកត្រាំកក់ ខេត្តតាកែវ ។
រថយន្តដែលត្រូវចោរលួចយកទៅនោះ ម៉ាកភីកអាប់ ប្រភេទដឹកទំនិញធុនតូច ពណ៌ស ពាក់ស្លាកលេខ ភ្នំពេញ 2D 0996។
ប្រភពព័ត៌មានពីសមត្ថកិច្ចឲ្យដឹងថា នៅមុនពេលកើតហេតុ គឺកាលពីយប់ថ្ងៃទី៨ ខែមីនា ឆ្នាំ២០១៧ ជនរងគ្រោះខាងលើបានចតរថយន្តទុកនៅកន្លែងតារាងបាល់ទាត់ ដែលជាកន្លែងបញ្ញើ២៤ម៉ោង នៅកន្លែងកើតហេតុខាងលើ ហើយដើរទៅបន្ទប់ជួលបាត់ លុះម៉ោង៥ជាងព្រឹក ថ្ងៃទី៩ ខែមីនា ឆ្នាំ២០១៧ ស្រាប់តែមិនឃើញរថយន្ត ក៏មានការភ្ញាក់ផ្អើលតែម្តង ។
ក្រោយពេលកើតហេតុ ជនរងគ្រោះមកប្តឹងសមត្ថកិច្ចប៉ុស្តិ៍ចោមចៅឱ្យជួយអន្តរាគមន៍ ៕ សុខាសែនជ័យ
