សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀងៈ គ្រោះថ្នាក់ចរាចរណ៍បង្កឡើងដោយបុរសម្នាក់ស្រវឹងធ្លាក់ភ្នែកបើករថយន្តCAMMRYឆ្លាមលឿនដូចហោះលើផ្លូវជាតិលេខ១៣ ជ្រុលចង្កូតធ្លាក់ផ្លូវទៅបុកចូលក្នុងផ្ទះប្រជាពលរដ្ឋ ចំកណ្តាលផ្ទះបាក់រាបដល់ដី រួចមិនទាន់អស់ល្បឿនក៏ជ្រុលទៅបុកដើមប្រេងខ្យល់ធ្លាក់ចូលក្នុងប្រឡាយទៅមុខលែងរួចកាលពីវេលាម៉ោង៤និង៣០នាទីរសៀល ថ្ងៃទី១២ ខែមីនា ឆ្នាំ២០១៧ នៅចំណុចភូមិព្រះទន្លេសង្កាត់សង្ឃ័រក្រុងស្វាយរៀង ខេត្តស្វាយរៀង ។
បើតាមមន្ត្រីនគបាលប៉ុស្តិ៍រដ្ឋបាលសង្កាត់សង្ឃរ័បានឲ្យដឹងថា ម្ចាស់ផ្ទះជនរងគ្រោះឈ្មោះហាស់ហន ភេទប្រុសអាយុ៦៩ឆ្នាំមានប្រពន្ធឈ្មោះ សំណុន អាយុ៥២ឆ្នាំនៅភូមិកើតហេតុខាលើ។រីឯជនបង្ក ឈ្មោះសំ ម៉ៅ ភេទប្រុសអាយុ២៩ឆ្នាំ មានទីលំនៅភូមិបែកចាន ឃុំរមាំងថ្កោលស្រុកស្វាយទាប។ ប្រភពដ៏ដែលបន្តទៀតថា មុនពេលកើតហេតុ គេឃើញបុរស់ឈ្មោះសំម៉ៅ បើកបររថយន្តម៉ាកCAMMRYឆ្លាម ពណ័ទឹកមាស ពាក់ស្លាកលេខភ្នំពេញ2S-8737បើកបរពីទឹសខាងត្បូងទៅជើងយ៉ាងលឿនដូចហោះលើផ្លូវជាតិលេខ១៣ដែលកំពុងសាងសង់ចាក់ដីលាយថ្មអងដឺ លុះមកដល់ចំណុចកើតហេតុខាងលើស្រាប់តែរេចង្កូតធ្លាក់ពីលើថ្នល់ ហោះបុកចូលផ្ទះរបស់ប្រជាពលរដ្ឋចំកណ្តាលផ្ទះទំហំ៤មគុណ៦មប្រក់សង្ខ័សី បាក់រាបដល់ដី ហើយមិនទាន់អស់ល្បឿនក៏ជ្រុលទៅមុខធ្លាក់ប្រឡាយ ហោះទៅបុកដើមប្រេងខ្យល់ភ្លឺប្រឡាយខ្ទាតចូលប្រឡាយទៅមុខលែងរួច។
រថយន្តខូចកាប៊ីនខាងមុខយ៉ាងដំណំសំណាងល្អផ្ទុះពោងសុវត្ថិភាពមិនបណ្តាលឲ្យរងរបួសទេ សំណាងខុសបង្គោលភ្លើងបើបុកបង្គោលភ្លើងវិញមិនដឹងយ៉ាងណាទេ ហើយម្ចាស់ផ្ទះវិញ មិននៅផ្ទះទាំងប្តីប្រពន្ធគឺដោយផ្ទះចាស់ចង់ជួសជុលក៏នាំគ្នាទៅផ្សារកំពង់ចកដើម្បីទិញសម្ភារៈជួសជុល ផ្ទះក៏ត្រូវរថយន្តបុកបាក់រាបដល់ដីតែម្តង។
បន្ទាប់មកសមត្ថកិច្ចបានចាប់ឃាត់ខ្លួនអ្នកបើកបរយកទៅអធិការដ្ឋាននគបាលក្រុងស្វាយរៀងដើម្បីពិនិត្យជាតិអាកុល ដោយជនបង្ក ទើបតែចេញពីពិធីឡើងផ្ទះបងប្អូន មានជាតិស្រវឹងក្នុងខ្លួន ៕ យឹម សុថាន
