សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ បុរសម្នាក់បានបាត់បង់ជីវិតយ៉ាងអាណោចអាធ័ម ខណៈសង្ស័យស្រវឹងស្រាទៅដងទឹកអណ្តូងហើយបះជើងដាំក្បាលចុះទៅក្នុងអណ្តូងបណ្តាលឲ្យឈ្លក់ទឹកលង់ស្លាប់ ពុំមានអ្នកដឹង និងជួយទាន់ពេលវេលា ។
ករណីនេះទើបតែភ្ញាក់ផ្អើលឡើងកាលពីវេលាម៉ោង១៤និង៣០នាទី ថ្ងៃទី១៤ ខែមីនា ឆ្នាំ២០១៧ ស្ថិតនៅចំណុចភូមិខ្លាក្រពើ ឃុំអន្លង់ត្នោត ស្រុកក្រគរ ខេត្តពោធិ៍សាត់ ។
ប្រភពព័ត៌មានពីកម្លាំងកងរាជអាវុធហត្ថបានបញ្ជាក់ថា ជនរងគ្រោះ ឈ្មោះ ប៊ិល បឿន ភេទប្រុស អាយុ៦៩ឆ្នាំ ជនជាតិខ្មែរ រស់នៅភូមិខ្លាក្រពើ ឃុំអន្លង់ត្នោត ស្រុកក្រគរ ខេត្តពោធិ៍សាត់ ។
ប្រភពបន្តថា នៅមុនពេលកើតហេតុ គឺពេលថ្ងៃត្រង់ ជនរងគ្រោះនៅតែម្នាក់ឯងហើយមានជំងឺប្រចាំកាយ ព្រមទាំងផឹកស្រាស្រវឹងផង បានទៅដងទឹក ក៏ជ្រមុជក្បាលធ្លាក់ក្នុងអណ្តូងតែម្តង ។
បច្ចប្បន្នសាកសពត្រូវបានក្រុមគ្រួសារធ្វើបុណ្យតាមប្រពៃណី ៕ ប៉ឹម ពិន
