សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ បុរសម្នាក់ស្រវឹងស្រាបានបើកម៉ូតូទៅបុកដើមឈើបណ្តាលឲ្យបាក់.កស្លាប់មួយរំពេច។
តាមមន្រ្តីនគរបាលស្រុកព្រៃនប់បានឲ្យដឹងថា ករណីគ្រោះថ្នាក់ចរាចរណ៍ដោយខ្លួនឯងនេះបានកើតឡើងនៅវេលាម៉ោង៩ និង៣០នាទីយប់ ថ្ងៃទី១៧ ខែមីនា ឆ្នាំ២០១៧ ស្ថិតនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។
មន្រ្តីដដែលបានបន្តថា ជនរងគ្រោះដែលស្លាប់ឈ្មាះ ស៊ីវ ដៀង អាយុ៤៨ឆ្នាំ រស់នៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។ ជនរងគ្រោះជិះម៉ូតូម៉ាកហុងដា125 សេរីឆ្នាំ2017 ពណ៌ខ្មៅ ពាក់ស្លាកលេខ ព្រះសីហនុ 1C-4684 ។
មន្រ្តីដដែលបន្ថែមថា បើតាមសាក្សីឃើញជនរងគ្រោះជិះម៉ូតូក្នុងល្បឿនលឿន ស្ថិតក្នុងស្ថានភាពស្រវឹង ហើយបានទៅបុកដើមទឹកដោះគោពេញទំហឹង បណ្ដាលឲ្យបាក់.កស្លាប់ភ្លាមៗតែម្តង។
ក្រោយពីកើតហេតុ សមត្ថកិច្ចបានពិនិត្យសាកសព ហើយបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕ ឆ្លាម សមុទ្រ
