សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកូរ៉ូឡាបានបុកជាមួយរថយន្តហីុយ៉ាន់ដាយបណ្តាលឲ្យរងការខូចខាតយ៉ាងដំណំ ចំណែកអ្នកបើកបររងរបួសស្រាល ។
ករណីនេះបានកើតឡើងកាលពីវេលាម៉ោង៤និង៣០នាទីរសៀល ថ្ងៃទី៣១ ខែមីនា ឆ្នាំ២០១៧ ស្ថិតតាមបណ្តោយផ្លូវជាតិលេខ៤ ក្នុងភូមិថ្នល់បំបែក សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ គេឃើញរថយន្តមួយគ្រឿងម៉ាក ហុីយ៉ាន់ដាយ ពណ៌ស ពាក់ស្លាកលេខ ភ្នំពេញ 3D 6539 បើកបរតាមបណ្តោយផ្លូវជាតិលេខ៤ ទិសដៅពីកើតទៅលិច ក្នុងល្បឿនមធ្យមលុះមកដល់ចំណុចកើតហេតុ ក៏ស្រាប់តែជ្រុលទីបុកជាមួយរថយន្តមួយគ្រឿងទៀតម៉ាកកូរ៉ូឡា កាមរី ពណ៌ស ពាក់ស្លាកលេខ ភ្នំពេញ 2AH 2179 បើកបរក្នុងទិសដៅពីលិចទៅកើតក្នុងបណ្តាលឱ្យរថយន្តទាំង២គ្រឿង រងការខូចខាតយ៉ាងដំណំ។
ក្រោយមកម្ចាស់រថយន្តហីុយ៉ាន់ដាយចុះពីរថយន្តគេចខ្លួនបាត់ ។
ក្រោយពេលកើតហេតុ ម្ចាស់រថយន្តម៉ាកកូរូឡាសុំយករថយន្តរបស់ខ្លួនទៅជួសជុល មិនចង់វែងឆ្ងាយ ៕ សុខាសែនជ័យ
