ស្ទាវ៦នាក់ត្រូវសមត្ថកិច្ចចាប់ខ្លួនជាប់ពាក់ព័ន្ធនឹងគ្រឿងញៀន

ខេត្តកំពង់ធំ៖ នៅរសៀលថ្ងៃទី៤ ខែមេសា ឆ្នាំ២០១៧ ប៉ុស្តិ៍នគរបាលរដ្ឋបាលទំរីង សហការជាមួយការិយាល័យគ្រឿងញៀនខេត្តកំពង់ធំ ចុះចាប់ជនសង្ស័យប្រើប្រាស់គ្រឿងញៀនបាន៦នាក់ និងបានដកហូតវត្ថុតាងរួមមាន ម៉ូតូពីរគ្រឿង និងថ្នាំញៀនចំនួនពីរកន្ចប់តូច ។

ហេតុការណ៍នេះ បានកើតនៅក្នុងភូមិខោស ឃុំទំរីង ស្រុកសណ្តាន់ ខេត្តកំពង់ធំ។

សមត្ថកិច្ចបានប្រាប់ឲ្យដឹងថា ជនសង្ស័យ ឈ្មោះ ញុច ឡែន ភេទប្រុស អាយុ២០ឆ្នាំ មានទីលំនៅភូមិលែង ឃុំទំរីង ស្រុកសណ្តាន់, ឈ្មោះ ដឹម ថាត ភេទប្រុស អាយុ២០ឆ្នាំ ភូមិរស់រនាម ឃុំទំរីង ស្រុកសណ្តាន់, ឈ្មោះ ប៊ុន យ៉េន ភេទប្រុស អាយុ១៩ឆ្នាំ មិនស្គាល់អត្តសញ្ញានច្បាស់លាស់, ឈ្មោះ ណាំ ប៉ោង ភេទប្រុស ទីលំនៅភូមិរស់រនាម ឃុំទំរីង ស្រុកសណ្តាន់, ឈ្មោះ នីត នីត ភេទប្រុស អាយុ២១ឆ្នាំ រស់ភូមិសំរោង ឃុំទំរីង ស្រុកសណ្តាន់ និងឈ្មោះ ណា សុវណ្ណរិទ្ធិ ភេទប្រុស អាយុ១៨ឆ្នាំ រស់នៅឃុំទំរីង ស្រុកសណ្តាន់ ។

បច្ចុប្បន្នជនសង្ស័យរួម នឹងវត្ថុតាងត្រូវបានសមត្ថិកិច្ចជំនាញបញ្ជូនទៅការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តកំពង់ធំ ដើម្បីចាត់ការតាមច្បាប់ ៕ ប៊ុន រិទ្ធ