សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ ៖ ខ្យល់កន្រ្ទាក់លាយឡំនឹងភ្លៀងរលឹមស្រិចៗ ស្រាប់តែមានរន្ទះបាញ់ស្លាប់បុរសវ័យចំណាស់ម្នាក់ស្លាប់យ៉ាងអាណោចអាធ័ម ។
ហេតុការណ៍នេះ បានកើតឡើងនៅវេលាម៉ោង២និង១៥នាទីរសៀល ថ្ងៃទី២២ ខែមេសា ឆ្នាំ២០១៧ ត្រង់ចំណុចវាលវែងត្បូង ភូមិត្រពាំងជ្រៃ ប្រមាណមួយគីឡូម៉ែត្រ ឃុំបល្ល័ង្គ ស្រុកបារាយណ៍ ខេត្តកំពង់ធំ។
សមត្ថកិច្ចបញ្ជាក់ប្រាប់ថា ជនរងគ្រោះ ឈ្មោះយ៉ាន់ ផាត ភេទប្រុស អាយុ៥១ឆ្នាំ មានប្រពន្ធនិងកូនពីរនាក់ (ប្រុស១ ស្រី១) មានទីលំនៅ ក្នុងភូមិ ឃុំកើតហេតុខាងលើ ។
ប្រភពពីប្រពន្ធជនរងគ្រោះបានឱ្យថា ប្តីគាត់បានយកគោទៅគ្វាលខាងត្បូងភូមិ ជារៀងរាល់ថ្ងៃ លុះដល់វេលាកើតហេតុខាងលើ ស្រាប់តែមានរន្ទះឆក់យកអាយុជីវិតប្តីគាត់គួឱ្យរន្ធត់ ។ ក្រោយពីកើតហេតុ គាត់បានឆែកមើលក្នុងហោប៉ៅខោហោ អាវ មានឃើញទូរស័ព្ទមួយគ្រឿងបានបិទត្រឹមត្រូវហើយ ។
ក្រោយកើតហេតុ នគរបាលប៉ុស្តិ៍ឃុំបល្ល័ង្គ ចុះទៅធ្វើកោសល្យវិច័យលើសាកសព រួចសន្និដ្ឋានថា ពិតជាស្លាប់ដោយរន្ទះបាញ់មែន ទើបប្រគល់ឱ្យប្រពន្ធកូនយកទៅធ្វើតាមបុណ្យតាមប្រពៃណី ៕ ប៊ុន រិទ្ធី
