ជនសង្ស័យម្នាក់ក្នុងចំណោម២នាក់ជិះម៉ូតូមកធ្វើសកម្មភាពឆក់ទួរស័ព្ទដៃពីជនបរទេសម្នាក់មិនបានសម្រេច

ភ្នំពេញ៖ នៅវេលាម៉ោង១១និង៣០នាទីយប់ ថ្ងៃទី២៥ ខែមេសា ឆ្នាំ២០១៧ ជនសង្ស័យម្នាក់ក្នុងចំណោម២នាក់ជិះម៉ូតូ១គ្រឿងម៉ាកហុងដាc125 ត្រូវកម្លាំងព្រហ្មទណ្ឌចំការមនឃាត់ខ្លួន បន្ទាប់ពីធ្វើសកម្មភាពឆក់ទួរស័ព្ទដៃពីនារីជនបរទេសម្នាក់ មិនបានសម្រេច មុខផ្ទះលេខ តាមបណ្ដោយផ្លូវលេខ៣៣៤ កែងផ្លូវលេខ៦៣ ក្នុងសង្កាត់បឹងកេងកង១ ខណ្ឌចំការមន រាជធានីភ្នំពេញ។

ជនសង្ស័យមានឈ្មោះ ស្វាយ បញ្ញារិទ្ធ ភេទប្រុស អាយុ២២ឆ្នាំ ស្នាក់នៅផ្ទះលេខ៩៩ផ្លូវលេខ៤៤៦សង្កាត់ទួលទំពួង១ ខណ្ឌចំការមនមុខរបរសិស្ស។

បើតាមប្រភពព័ត៌មានពីសមត្ថកិច្ចបានប្រាប់អោយដឹងថា នៅមុនពេលកើតហេតុ ជនរងគ្រោះកំពុងដើរនិយាយ ទួរស័ព្ទតាមផ្លូវខាងលើ ខណៈមកដល់ចំណុចកើតហេតុខាងលើ ស្រាប់តែមានជនសង្ស័យម្នាក់ជិះម៉ូតូ១គ្រឿងម៉ាកហុងដា c125 អត់ពាក់ស្លាក់លេខ ស្រាប់តែមកធ្វើសកម្មភាពឆក់ទួរស័ព្ទដៃពីនារីរងគ្រោះ តែមិនបានសម្រេច ភ្លាមៗនោះជនសង្ស័យខាងលើ បានព្យាយាមជិះគេចខ្លួន តែត្រូវ សមត្ថកិច្ចខណ្ឌចំការមនកំពុងល្បាត ក៏បានដេញតាម ពីក្រោយ ម៉ូតូ ជនសង្ស័យក៏ចាប់បានតែម្តងចំណែក ម្នាក់ទៀតរត់គេចខ្លួនបាត់ស្រមោល ។

ក្រោយកើតហេតុជនរងគ្រោះមិនបានដាក់ពាក្យបណ្ដឹងនៅបុ៉ស្តិ៍នគរបាលរដ្នបាលបឹងកេងកង១ទេ ៕ រស្មី