សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់បានទ្រហោយំធ្វើដំណើរមកកាន់ប៉ុស្តិ៍នគរបាលចោមចៅ ខណ្ឌពោធិ៍សែនជ័យ បន្ទាប់ពីរងការគំរាមសម្លាប់ពីសំណាក់ប្អូនប្រុសបង្កើត ដោយសារតែរឿងប្អូនជំពាក់លុយ ។
ហេតុការណ៍នេះ បានកើតឡើងកាលពីវេលាម៉ោង១២និង២០នាទី ថ្ងៃទី១ ខែឧសភា ឆ្នាំ២០១៧ ។
ជនសង្ស័យឈ្មោះ ហ៊ុន សាទ ភេទស្រី អាយុ៣២ឆ្នាំ មុខរបរកម្មកររោងចក្រ ស្នាក់នៅបន្ទប់ជួល ភូមិត្រពាំងថ្លឹងសង្កាត់ចោមចៅ ខណ្ឌពោធិ៍សែនជ័យ។ ចំណែកប្អូនប្រុសដែលគំរាមសម្លាប់នោះ ឈ្មោះ រិទ្ធិ ភេទប្រុស អាយុ២២ឆ្នាំ។
តាមសម្តីជនរងគ្រោះបានឲ្យដឹងថា នៅមុនចូលឆ្នាំប្រពៃណីខ្មែរ រួបគាត់បានលក់ម៉ូតូហុងដា ឌ្រឹម ស៊េរី ឆ្នាំ២០១៦ ទៅឲ្យឈ្មោះរិទ្ធ ដែលជាប្អូនប្រុសបង្កើត ពេលនោះប្អូនរបស់គាត់បានប្រគល់លុយឲ្យដោយនៅខ្វះចំនួន១០០ដូល្លារ។ ក្រោយមក រហូតមកដល់ថ្ងៃ១ ខែឧសភា ឆ្នាំ២០១៧ រួបគាត់បានទារលុយដែលប្អូនជំពាក់ចំនួន១០០ដុល្លារនោះ តែបែរជាប្អូនប្រុសគាត់មិនព្រមសងដោយគំរាមសម្លាប់ទាំងប្តីប្រពន្ធរូមទាំងកូនទៀត ។
ដោយសារតែមានការភ័យខ្លាច ទើបរួបគាត់បានធ្វើដំណើរមកកាន់ប៉ុស្តិ៍នគរបាលរដ្ឋបាលចោមចៅដើម្បីសុំដាក់ពាក្យបណ្តឹងទុកជាមុន ៕ សុខាសែនជ័យ
