សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ សមត្ថកិច្ចនគរបាលចាប់ឃាត់ខ្លួនក្មេងស្ទាវ២នាក់ បន្ទាប់ពីឆែក រកឃើញដាវ១ដើម ដែលពួកគេលាក់ទុកតាមខ្លួនពេលធ្វើដំណើរតាមដងផ្លូវសាធារណៈ ទុកគ្រាន់ការពារខ្លួន កាលពីវេលាម៉ោង១០យប់ ថ្ងៃទី៧ ខែឧសភា ឆ្នាំ២០១៧ នៅតាមបណ្តោយផ្លូវភ្នំពេញ ហាណូយ ភូមិត្រពាំងស្វាយ សង្កាត់ភ្នំពេញថ្មី ខណ្ឌសែនសុខ ។
សមត្ថកិច្ចប្រា់ថា ជនសង្ស័យ ទី១មានឈ្មោះ ស៊ាង ឆឹង ភេទប្រុស អាយុ២៣ឆ្នាំ មុខរបរធ្វើសន្តិសុខ ទី២ ឈ្មោះ ជួន សេងហាក់ អាយុ១៨ឆ្នាំ គ្មានមុខរបរពិតប្រាកដ ស្នាក់នៅផ្ទះជួលភូមិត្រពាំងស្វាយ សង្កាត់ភ្នំពេញថ្មី ខណ្ឌសែនសុខ ស្នាក់នៅបន្ទប់ផ្ទះជួលជាមួយគ្នា ។ ពួកគេទាំង២នាក់នោះ ត្រូវបានប៉ូលិសដាក់បន្ទុកចោទពីបទ ប្រើប្រាស់អាវុធខុសច្បាប់ ដែលភាគច្រើនកន្លងមកជនប្រភេទនេះ តែងតែធ្វើសកម្មភាពប្លន់គំរាមគេយកលុយឬយកទ្រព្យសម្បត្តិផ្សេងៗ និងអាចបង្កជាអំពើហិង្សាមកលើគូកនកើតមាននូវភាពច្របូកច្របល់ បាត់បង់សណ្តាប់ធ្នាប់ និងអសន្តិសុខសង្គម ។
សមត្ថកិច្ចបានឲ្យដឹងថា មូលហេតុខ្លួនជនសង្ស័យ គឺប្រទះឃើញពួកគេកំពុងដើររេរានៅតាមផ្លូវលេខ១០១៩ ពេលឃាត់ត្រួតពិនិត្យឆែករកឃើញមានដាវកែច្នៃ១ដើម ដែលជនសង្ស័យឈ្មោះស៊ាង ឆឹង លាក់សៀតទុកក្នងចង្កេះខោខាងឆ្វេង ទើបឃាត់ខ្លួនតែម្តង៕ តុង សីហា
