សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅព្រឹកថ្ងៃទី១២ ខែឧសភា ឆ្នាំ២០១៧ នៅមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាពបោសសម្អាតមីន និងកាកសំណល់សង្គ្រាម បានទទួលបដិសណ្ឋារកិច្ចភ្ញៀវជាតិ និងអន្តរជាតិជាច្រើន ដែលអញ្ជើញមកគោរពវិញ្ញាណក្ខន្ធវីរៈយុទ្ធជនមួកខៀវកម្ពុជាចំនួន៤នាក់ ដែលពលីជីវិតនៅអាហ្វ្រិកកណ្តាល ក្នុងដំណើរបំពេញបេសកកម្មរបស់អង្គការសហប្រជាជាតិ នាថ្ងៃទី៨ ខែឧសភា ឆ្នាំ២០១៧ កន្លងមក ។
ប្រតិភូអន្តរជាតិ ដែលបានអញ្ជើញចូលរួមគោរពវិញ្ញាណក្ខន្ធសពយុទ្ធជនមួកខៀវកម្ពុជាទាំង៤នាក់នាព្រឹកនេះមាន ១ ប្រតិភូ សាធារណរដ្ឋសង្គមនិយមវៀតណាម, ២ ប្រតិភូព្រះរាជាណាចក្រថៃ, ៣ ទីប្រឹក្សាជប៉ុនអមមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាពបោសសម្អាតមីន និងកាកសំណល់សង្គ្រាម, ៤ ប្រតិភូសហរដ្ឋអាមេរិក និង៥ ប្រតិភូមកពីប្រទេសបារាំង ។
ក្នុងនោះផងដែរ ក៏នៅមានប្រតិភូជាតិ និងអន្តរជាតិច្រើនទៀត បានអញ្ជើញចូលរួមគោរពវិញ្ញាណក្ខន្ធពេញមួយថ្ងៃទី១២ ខែឧសភា ឆ្នាំ២០១៧ ៕ ប្រាថ្នា
