មន្ដ្រីជាន់ខ្ពស់ក្រសួងការងារកម្ពុជា និងក្រសួងធនធានមនុស្ស ម៉ាឡេស៊ី សន្យាបង្កើនកិច្ចសហប្រតិបតិ្ដការបន្ដការពារពលករ និងបង្កើនប្រាក់ឈ្នូល ដែលកំពុងប្រកបអាជីវកម្ម នៅម៉ាឡេស៊ី

ភ្នំពេញ ៖ លោក អូស្មាន ហាស្សាន់ បានបញ្ជាក់ឲ្យដឹងនៅ ក្នុងជំនួប ពិភាក្សាការងារជាមួយ រដ្ឋមន្ដ្រីក្រសួងការងារ បណ្ដុះបណ្ដាលវិជ្ជាជីវៈ លោក អ៊ិត សំហេង និងលោក Dato sriRichardRiot Anak Jaem រដ្ឋមន្ដ្រី ក្រសួងធនធានមនុស្ស ម៉ាឡេស៊ី ក្នុងបំណង ពន្លឿន និងពង្រឹង កិច្ចការងារ បណ្ដុះបណ្ដាល ផ្ដល់វិជ្ជាជីវៈ លើកកម្ពស់សិទ្ធិ ពលករ ,កម្មករខ្មែរ ដែលកំពុងធ្វើការងារនៅម៉ាឡេស៊ី ដើម្បីអនុវត្ដឲ្យមានប្រសិទ្ធភាព លើអនុស្សារណៈ MOU កន្លងមក ដែលភាគីកម្ពុជា និងម៉ាឡេស៉ី បានឯកភាព លើខ្លឹមសារ ៦ចំណុច ។ ជុំនួបពិភាក្សាការងាររវាងរដ្ឋមន្ដ្រី ជាន់ខ្ពស់ទាំងពី បានប្រព្រឹត្ដទៅ កាលពីរសៀលថ្ងៃទី ១១ ឧសភា ឆ្នាំ២០១៧ នៅសណ្ឋាគារ សូហ្វីតែលភូគីត្រាភ្នំពេញ ។

លោក អូស្មាន ហាស្សាន់ បានបញ្ជាក់ថា ៖ នៅក្នុងជំនួបពិភាក្សាការងារ រវាងរដ្ឋមន្ដ្រីក្រសួងការងារកម្ពុជា និងរដ្ឋមន្ដ្រី ក្រសួងធនធានមនុស្សម៉ាឡេស៊ី នៅពេលនេះ ភាគីទាំងពីបានឯកភាពគ្នា លើខ្លឹមសារ៦ចំណុច ផងដែរ ទី១ រាជរដ្ឋាភិបាលម៉ាឡេស៊ី និងកម្ពុជា បន្ដផ្ដល់ព័ត៌មានពីគ្នា ឲ្យបានរហ័សទាន់ពេលវេលា ចំពោះពលករ កម្មករ អ្នក ពាណិជ្ជករ ដែលកំពុងប្រកបអាជីវកម្ម ធ្វើការដោះស្រាយជូនដល់គេឲ្យបានទាន់ពេលវេលា ។ ទី២ ការអនុវត្ដនីតិវិធីប្រតិបត្ដិការឲ្យបានល្អ ។ទី៣ ពង្រឹងប្រសិទ្ធភាពមុនពេលជ្រើសរើសពលករទៅធ្វើការងារនៅម៉ាឡេស៊ី ។ ទី៤ ផ្ដល់សិទ្ធ គ្រប់គ្រាន់ ដល់ពលករ កម្មករ ។ ទី៥ ផ្លាស់ប្ដូរ បទពិសោធន៏ ពីគ្នាទៅវិញទៅមក ។ ទី៦ បន្ដទំនាក់ទំនងល្អ ជាមួយគ្នា ទោះក្នុងកាលៈទេសៈណាក៏ដោយ ។

លោក អូស្មាន ហាស្សាន់ បានបញ្ជាក់ថា ៖ ក្រោយពីរារដ្ឋាភិបាលកម្ពុជា និងម៉ាឡេស៊ី បានឯកភាពគ្នាចុះអនុស្សារណៈ យោគយល់ រួចមក សម្រាប់ពលករជាស្រ្តីដែល បម្រើការងារផ្ទះនៅ ម៉ាឡេស៊ី បានទទួលប្រាក់ខែ ៣០០ ដុល្លារ អាមេរិក ហើយនៅប្រទេសអារ៉ាប៊ីសាអូឌីត បាន ៤០០ដុល្លារ ក្នុងកិច្ចសន្យា២ឆ្នាំ គឺពលករនឹងទទួល ប្រាក់ សុទ្ឋគ្រប់គ្រាន់ មិនត្រូវ ចំណាយលើការកាត់កុងអ្វីទាំងអស់ ព្រោះការចំណាយហូបចុក ស្នាក់នៅ និង ចំណាយឯកសារចាំបាច់ផ្សេងៗ ជាបន្ទុករបស់ក្រុមហ៊ុន រឺនាយោជក។

លោក អូស្មាន ហាស្សាន់ បានបញ្ជាក់ថា៖ ក្រៅពីឱកាសការងារក្នុងប្រទេស គឺពលករ ពលការនី ក៏អាចមានឱកាសច្រើនផងដែរ ក្នុងពេលទៅបម្រើការងារនៅក្រៅប្រទេស ជាក់ស្តែង កាលពីថ្ងៃទី២៩ ខែធ្នូ ឆ្នាំ២០១៦ កន្លងទៅ សម្តេចតេជោ ហ៊ុន សែន នាយក រដ្ឋមន្រ្តីនៃព្រះរាជាណាចក្រកម្ពុជា បានចុះហត្ថលេខា ឯកភាពក្នុងការ បញ្ជូនពលករទៅបម្រើការងារ នៅប្រទេសម៉ាឡេស៊ី បន្ទាប់ពីមានការផ្អាកមួយរយៈកាលកន្លង ទៅដោយសារបញ្ហាមួយចំនួន ប៉ុន្តែថ្មីៗនេះ ដោយអនុ លោមទៅតាមនិតិវិធី និងច្បាប់ដ៏ត្រឹមត្រូវ ផ្អែកសេចក្តី ព្រាង ដែលឈរលើលក្ខខ័ណ្ឌការងារសមរម្យ ព្រមទាំងប្រាក់ឈ្នួលល្អគួរសម អាចទទួលយកបានរវាងភាគីទាំងពីរប្រទេស ក៏ដូចជានាយោជក នឹងនាយោជិក ក្រសួងការងារបាន ស្នើទៅក្រសួងការបរទេស ដើម្បីជូនដំណឹងទៅភាគីម៉ាឡេស៊ី ដែលកម្ពុជាបានចាប់ផ្តើមជ្រើសរើសចាប់ពីខែមករា ឆ្នាំ ២០១៧នេះតទៅ។

ក្នុងឱកាសនោះដែរ លោក Dato sriRichardRiot Anak Jaem រដ្ឋមន្ដ្រី ក្រសួងធនធានមនុស្ស ម៉ាឡេស៊ី ក៏បានអំពាវនាវ ដល់ពលករ ពលការនី កម្ពុជា ទាំងអស់ដែល មានបំណងចង់ទៅធ្វើការតាមរយៈក្រុមហ៊ុននានា មុននឹង សម្រេចចិត្ត ត្រូវពិនិត្យលើលក្ខខ័ណ្ឌស្របច្បាប់របស់ក្រុមហ៊ុន សិន ចៀសវាងមានបញ្ហាណាមួយ ធ្វើអោយខាតបង់ទាំងថវិកា ពេលវេលា និងអាចបង្កការ ប៉ះពាល់ ដល់សុវត្ថិភាពបុគ្គល និងគ្រួសារ ផងដែរ ៕ សំរិត