សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងសមត្ថកិច្ច ដឹកនាំដោយលោកអធិការនគរបាលខណ្ឌពោធិ៍សែនជ័យបានបង្ក្រាបគ្រឿងញៀន ដោយឃាត់ខ្លួនជនសង្ស័យជាមេក្លោងចែកចាយគ្រឿងញៀនដ៏ធំម្នាក់ ដែលសមត្ថកិច្ចតាមឃ្លាំមើលនាពេលកន្លងមក ។
ករណីនេះកើតឡើងកាលពីវេលាម៉ោង២និង១០នាទីរសៀល ថ្ងៃទី១២ ខែឧសភា ឆ្នាំ២០១៧ ស្ថិតនៅភូមិថ្មគោល៣ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
ជាមួយគ្នានេះដែរ សមត្ថកិច្ចបានចាប់យកវត្ថុតាងថ្នាំញៀន៨កញ្ចប់ធំ និងមួយកញ្ចប់តូច ជញ្ជីថ្លឹងថ្នាំញៀន១គ្រឿង និងរថយន្តឡិចស៊ីស១គ្រឿងផងដែរ ។
ជនសង្ស័យនឹងត្រូវកសាងសំណុំរឿងបញ្ជូនទៅតុលាការ ៕ សុខា សែនជ័យ
