ស្រវឹងជិះម៉ូតូបុករថយន្តបម្រុងឆ្លងផ្លូវរបួសធ្ងន់២នាក់

ភ្នំពេញ៖ យុវជន៣នាក់ជិះម៉ូតូឌុបគ្នាក្នុងសភាពស្រវឹង បានជ្រុលទៅបុករថយន្តដែលបំរុងឆ្លងផ្លូវ បណ្តាលឲ្យដួលបោកនឹងថ្នល់ រងរបួសធ្ងន់២នាក់ កាលពីវេលាម៉ោង ១១និង៥០ នាទីយប់ ថ្ងៃទី១៥ ខែឧសភា ឆ្នាំ២០១៧ តាមបណ្តោយផ្លូវព្រះសីហនុ កែងផ្លូវលេខ៦៣ ស្ថិតក្នុងសង្កាត់ ចតុមុខ ខណ្ឌដូនពេញ ។

មុនពេលកើតហេតុគេឃើញរថយន្តម៉ាក ហ៊ីយ៉ាន់ដាយ H1 ពណ៌ស ពាក់ស្លាកលេខ ព្រះសីហនុ 2A-6841 ជិះដោយ២នាក់ប្តី ប្រពន្ធ ទឹសដៅពីកើតទៅលិច ហើយបម្រុងបត់ឆ្វេងតាមផ្លូវលេខ៦៣ ពេលដែលបត់នោះ ស្រាប់តែមានម៉ូតូមួយគ្រឿងម៉ាក ហុងដា ស្កូពីពណ៌ស ខៀវ ពាក់ស្លាកលេខ ភ្នំពេញ 1BN-3279 ជិះដោយយុវជន៣នាក់ឌុបគ្នា ដោយមានជាតិស្រវឹងផងដែរ ជិះមកបុករថយន្តបណ្តាលអោយដួលបោកទៅនឹងថ្នល់រងរួសធ្ងន់២នាក់ ។

តែបើតាមសំដីម្ចាស់រថយន្តវិញបានអោយដឹងថា មុនពេលកើតហេតុគាត់បើករថយន្តបំណងយកទៅផ្ញើ តែពេលបើកមកដល់ផ្លូវបំបែក ព្រះសីហនុ និង ផ្លូវ៦៣ គាត់បានកាច់ភ្លើងស៊ីញ៉ូឆ្វេងដើម្បីបត់ ក៏ត្រូវម៉ូតូបុកតែម្តង ។

ក្រោយពេលកើតហេតុជនរងគ្រោះត្រូវរថយន្តសង្គ្រោះដឹកយកទៅព្យាបាលនៅក្លីនិចឯកជន ចំណែកម៉ូតូ និងរថយន្តត្រូវបានកំលាំងជំនាញវាស់វែងយកទៅរក្សាទុកនៅការិយាល័យចរាចរណ៍ជើងគោករាជធានីដើម្បីដោះស្រាយនៅពេលក្រោយ ៕ សុខាសែនជ័យ