សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន២នាក់ ត្រូវបានកម្លាំងនគរបាលមន្ទីរប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំង នៃអធិការរដ្ធាននគរបាលខណ្ឌពោធិ៍សែនជ័យ បង្ក្រាប និងចាប់ខ្លួនកាលពីថ្ងៃទី១៧ ខែឧសភា ឆ្នាំ២០១៧ វេលាម៉ោង១៨និង៣០នាទី នៅបន្ទប់ជួលគ្មានលេខ តាមផ្លូវលំ ភូមិត្រពាំងល្វាទី២ សង្កាត់កាកាប ខណ្ឌពោធិ៍សែនជ័យ ដោយឃាត់ខ្លួនមុខសញ្ញាជួញដូរ និងប្រើប្រាស់គ្រឿងញៀនបាន២នាក់ រួមទាំងវត្ថុតាងមួយចំនួនទៅផងដែរ។
បន្ទាប់មកកម្លាំងសមត្ថកិច្ចបាននាំខ្លួនជនសង្ស័យទៅសាកសួរ និងកសាងសំណុំរឿងនៅមន្ទីរប្រឆាំងគ្រឿងញៀន ក្រសួងមហាផ្ទៃ រង់ចាំការបញ្ជូនទៅតុលាការចាត់ការតាមផ្លួវច្បាប់ ។
ជនសង្ស័យឈ្មោះ រឿន ស្រីជូ ភេទស្រី អាយុ២៧ឆ្នាំ និងម្នាក់ទៀតឈ្មោះ យ៉ាវ ម៉ាហា ភេទប្រុស អាយុ២៨ឆ្នាំ អ្នកទាំងពីរនាក់នោះស្នាក់នៅក្នុងបន្ទប់ជួលខាងលើ ។
ចំណែកវត្ថុតាងមានម្សៅក្រាមពណ៍សថ្លាសង្ស័យសារធាតុញៀន២កញ្ចប់តូច រួឧបករណ៍ប្រើប្រាស់គ្រឿងញៀនមួយចំនួន ៕ សុខាសែនជ័យ
