សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សមត្ថកិច្ចបានឃាត់ខ្លួនជនសង្ស័យប្រើប្រាស់គ្រឿងញៀនម្នាក់ និងឆែកឆេរខ្លួនឃើញម្សៅពណ៌ស ៦កញ្ចប់តូច កាលពីវេលាម៉ោង២២និង២០នាទី ថ្ងៃទី១៩ ខែឧសភា ឆ្នាំ២០១៧ នៅចំណុចផ្លូវ២៧១ ភូមិបូរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
សេចក្តីរាយការណ៍ឲ្យដឹងថា កម្លាំងល្បាត ខណ្ឌសែនសុខបានឃាត់ខ្លួនជនសង្ស័យប្រើប្រាស់គ្រឿងញៀនម្នាក់ និងឆែកឆេរខ្លួនឃើញម្សៅពណ៌ស៦កញ្ចប់តូច ។
ជនសង្ស័យ ឈ្មោះ សំ សូរ ភេទប្រុស អាយុ២២ឆ្នាំ មុខរបរមិនពិតប្រាកដ ស្នាក់នៅ ភូមិបូរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
បច្ចុប្បន្នជនសង្ស័យបញ្ជូនទៅបញ្ជាការកងរាជអាវុធហត្ថរាជធានីភ្នំពេញ ៕
