រថយន្ត២គ្រឿងបើកប៉ះគ្នា របួស២នាក់ ខូចខាតយានយន្តយ៉ាងដំណំ

ខេត្តកណ្តាល៖ វេលាម៉ោង២៣និង២៨នាទី ថ្ងៃទី២៤ ខែឧសភ ឆ្នាំ២០១៧ ស្ថិតនៅចំណុចផ្លូវកោង(សេះស)ភូមិ សង្វរ ឃុំកំពង់ហ្លួង ស្រុកពញាឮ ខេត្តកណ្តាល មានករណីរថយន្ត២គ្រឿងបើកប៉ះគ្នា បណ្តាលឲ្យមនុស្ស២នាក់រងរបួស ហើយរថយន្តរងការខូចខាតដំណំ ។

សមត្ថកិច្ចឲ្យដឹងថា មុនពេលកើតហេតុ នៅវេលាកើតហេតុខាងលើរថយន្តបង្កម៉ាក Hyundaiពណ៌ ស ខៀវពាក់ស្លាកលេខ ភ្នំពេញ ២AI២៤ ០៥ បើកបរក្នុងទិសដៅពីជើងទៅត្បូង ដោយឈ្មោះ ហុង សម្បត្តិ ភេទប្រុស អាយុ៣៤ឆ្នាំ ទិលំនៅភូមិ ចុងកោះ សង្កាត់ផ្សារឆ្នាំង ក្រុងកំពង់ឆ្នាំង (របួសស្រាល) អ្នករួមដំណើរ ឈ្មោះ បឿន ឆេងអៀង ភេទ ស្រី អាយុ៣០ឆ្នាំ ទីលំនៅជាមួយគ្នា (របួសស្រាល) លុះបើកបរមកដល់កន្លែងកើតហេតុ ក៏ជ្រុលទៅឆ្វេងដៃបុករថយន្តម៉ាក Hyundai ស ពាក់ស្លាកលេខបាត់ដំបង៣A ០០៥០ដែលកំពង់បើកបរក្នុងទិសដៅពីត្បូងទៅជើង(អ្នកបើកបរគេចខ្លួន) ៕