រថយន្តដឹកកម្មករធ្វើការនៅរោងចក្រចំរាញ់ដូងប្រេងតានៃបានក្រឡាប់ រងរបួសកម្មករ២៣នាក់ស្រាល

ខេត្ត​ព្រះសីហនុ៖ មាន​សេចក្តីរាយការណ៍ពីនគរបាល​ស្រុកព្រៃនប់​បានឲ្យដឹង​ថា៖ នៅវេលាម៉ោង៧ ព្រឹក ថ្ងៃទី២៦ ខែឧសភា ឆ្នាំ២០១៧​នេះ មានគ្រោះថ្នាក់ចរាចរណ៍ មួយកើតឡើង មួយកន្លែងទៀត នៅភូមិអន្លង់ក្រពើ ឃុំតានៃ ស្រុកព្រៃនប់។

ដោយសាររថយន្តឈ្នួលដឹកកម្មករ១គ្រឿង ដឹកកម្មករទៅធ្វើការនៅរោងចក្រចម្រាញ់ដូងទី២ បានដាច់រ៉ូទីលកាច់ចង្កូតមិនបាន បណ្ដាលអោយធ្លាក់ប្រឡាយ។ គ្រោះថ្នាក់នេះ បណ្ដាលអោយ កម្មករប្រុស ស្រី ចំនួន២៣ នាក់ រងរបួសស្រាល។

បន្ទាប់មកអ្នកចាត់​ការ បានបញ្ជូនអ្នករបួស ទៅព្យាបាល នៅពេទ្យរបស់ក្រុមហ៊ុននៅភូមិកែវផុស ឃុំកែវផុស ស្រុកស្ទឺងហាវ ៕ ឆ្លាម សមុទ្រ