សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង៖ ថ្នាក់ដឹកនាំបណ្ឌិតសភានគរបាលជាតិកម្ពុជា ណែនាំមន្ត្រីនគរបាល ប៉ុស្តិរដ្ឋបាលថ្មី ដែលកំពុងសិក្សានៅឆ្នាំ២០១៧នេះឲ្យខិតខំរៀនជំនាញវិជ្ជាជីវៈនគរបាលធ្វើខ្លួនជាជនបង្គោលនិង ប្រឹងប្រែងបំរើការងារឲ្យ មានប្រសិទ្ធភាព ជូនប្រជាពលរដ្ឋដើម្បីចលនាប្រឡងប្រណាំងភូមិឃុំមានសុវត្ថិភាព។
ក្នុងពិធីសំណេះសំណាលជាមួយមន្ត្រីនគរបាលប៉ុស្តិរដ្ឋបាលនៅសាលានគរបាលជាតិភូមិភាគ១ ស្ទឹងត្រែងថ្ងៃទី២៩ ឧសភា ឆ្នាំ២០១៧ លោក ឧត្តមសេនីយ៏ឯក ឯកមនោ សែន អនុប្រធានបណ្ឌិតសភានគរបាលកម្ពុជានិងជាប្រធាននាយកដ្ឋានបណ្តុះបណ្តាលមានប្រសាសន៏ថា៖សហការីនគរបាលត្រូវផ្ចិតផ្ចង់រៀនសូត្រពង្រឹងសមត្ថភាពខ្លួនធ្វើជានគរបាលបំរើជាតិនិងប្រជាពលរដ្ឋហើយពេលវិលទៅមូលដ្ឋានត្រូវអនុវត្តខ្ជាប់ខ្ជួនការងារទប់ស្កាត់-បង្ការ-និងបង្ក្រាបបទល្មើសឲ្យមានប្រសិទ្ធភាពដើម្បីរក្សាសន្តិសុខសុវត្តិភាពឲ្យបានប្រសើរឡើង ។
លោកមានប្រសាសន៍បន្ថែមថា៖សំខាន់ជាងនេះទៀតគឺមន្ត្រីទាំងអស់ត្រូវមានចិត្តអំណត់អត់ធនបំពេញកាតព្វកិច្ចរបស់ខ្លួនឲ្យមានតម្លាភាពនិងបង្កើតឲ្យមានវប្បធម៌គុណភាព ធានាដល់កិច្ចការងារការពារសន្តិសុខនៅក្នុងសង្គមព្រោះប៉ូលីសជាអ្នកការពារសណ្តាប់ធ្នាប់សន្តិសុខអត់មានគិតថ្ងៃគិតត្រជាក់អី បើអូនគិតថាអូនទាល់តែម្លប់បានប៉ូលីស បាន អាហ្នឹងគេអត់យកមកធ្វើជាប៉ូលីសទេទោះនគរបាលទៅបំរើអង្គភាពណាក៍ត្រូវតែចេះអាហ្នឹងដែរចេះគ្រប់គេហៅថាមូលដ្ឋានគ្រឹះសម្រាប់ឲ្យប្អូនៗ។
លោកឧត្តមសេនីយ៏ត្រី ហេងប៊ុននាយកសាលានគរបាល ភូមិភាគ១ស្ទឹងត្រែងបានអះអាងថា៖សាលាបណ្តុះបណា្តលមន្ត្រីនគរបាលតម្រូវឲ្យមន្ត្រីនគរបាលសិក្សារយៈ៧៥ថ្ងៃទៅលើមុខជំនាញវិជ្ជាជីវៈនគរបាល-ដោយបែងចែកជា-ចំណេះដឹងជាមូលដ្ឋាន៣មេរៀន-ជំនាញមូលដ្ឋានវិជ្ជាជីវៈនគបាល៧មេរៀន-ជំនាញយុទ្ធវិធីនគរបាល៥មេរៀន-ជំនាញបឋកថាចែករំលែកបទពិសោធន៍-និងជំនាញកម្មសិក្សាប្រតិបត្តិបន្ថែមទៀត។
លោកឧត្តមសេនីយ៍ត្រីបន្ថែមថា៖នេះជាទិសដៅរបស់ក្រសួងមហាផ្ទៃនិងគោលនយោបាយកំណែទម្រង់កងកំលាំងប្រដាប់អាវុធរបស់រាជរដ្ឋាភិបាលដែលបានដាក់ចេញនៅផែនការយុទ្ធសាស្ត្ររយៈពេល៥ឆ្នាំ២០១៥-២០១៩ធ្វើឲ្យសង្គមមានសន្តិសុខល្អ។
លោកសុខ សុវណ្ណជា ប្រធានវគ្គក្នុងវគ្គបណ្តុះបណ្តាលកំរិតបឋមវិជ្ជាជីវៈនគរបាលលើកទី២ខេត្ត ស្ទឹងត្រែង បានទទួលស្គាល់ថា៖ វគ្គបណ្តុះបណ្តាលនេះពិតជាបានផ្តល់នួវចំណេះដឹងដល់មន្ត្រីនគរបាល មានសមត្ថភាពរឹងម៉ាំ ស្របតាមគោលការណ៏របស់រាជរដ្ឋាបាលក្នុងការកំណែទំរង់កងកំលាំងនគរបាលជាតិតាមការអភិវឌ្ឍន៏រីកចំរើនរបស់ប្រទេសជាតិពេលបច្ចុប្បន្ននេះ។
លោកមន្ថែមថាៈ ដើម្បីប្រសិទ្ធលើការងារនេះតំណាងឲ្យនគរបាលប៉ុស្តិរដ្ឋបាលទាំងអស់និងខិតខំព្យាយាមសិក្សាឲ្យបានយល់ច្បាស់អំពីតួនាទីរបស់ខ្លួន-យល់ដឹងអំពីច្បាប់-ការគោរពវិន័យជានគរបាល -មានអត្តចរិតសីលធម៌ល្អ-មានជំនាញគ្រប់គ្រាន់-និងចេះផ្តល់ការអប់រំដល់ប្រជាពលរដ្ឋនិងបំរើប្រជាពលរដ្ឋដោយឥតរើសអើង។
សូមបញ្ជាក់ថា៖ វគ្គ បណ្តុះបណា្តលបំប៉នជំនាញដល់កំលាំងនគរបាលប៉ុស្តិរដ្ឋបាល ថ្មីនេះមានមន្ត្រីនគរបាលពីខេត្តចំនួន៥ចូលរួមក្នុងនោះមានខេត្តក្រចេះ- ស្ទឹងត្រែង -មណ្ឌលគីរី-ខេត្តរតនៈគីរី -និងខេត្តត្បូងឃ្មុំសរុបមាន ចំនួន២០២ នាក់ ក្នុងនោះមានស្រី្តចំនួន២២នាក់៕ មាស សុផាត
