សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី១០ ខែមិថុនា ឆ្នាំ២០១៧ វេលាម៉ោង១៨និង៣០នាទី កុមារារងគ្រោះម្នាក់មានឈ្មោះ ស៊្រាង វាសនាធិរិទ្ធ បានជិះម៉ូតូមួយគ្រឿងម៉ាកនិច ពណ៌ស ពាក់ស្លាកលេខ ភ្នំពេញ ១DJ ១២៩៦ ទៅទិញភេសជ្ជៈ នៅភូមិសន្សំកុសលទី៥ សង្កាត់បឹងទំពន់ ខណ្ឌមានជ័យ ។ ពេលមកដល់ចំណុចកើតហេតុ ស្រាប់តែមានជនសង្ស័យពីរនាក់ ជិះម៉ូតូម៉ូតូម៉ាកនិច ពណ៌ផ្កាឈូកមិនចាំស្លាកលេខ បានមកធ្វើសកម្មភាពស្ទាក់ដណ្តើមយកម៉ូតូពីកុមាររងគ្រោះ បណ្តាលអោយកុមាររងគ្រោះធ្លាក់ពីលើម៉ូតូរងរបួសដាច់រលាត់ស្បែកជើងខាងឆ្វេង រួចជនសង្ស័យបានលើកយកម៉ូតូជិះគេចខ្លួនបាត់។ លុះមកដល់ម៉ោង ២០និង០០នាទីថ្ងៃដដែល ឪពុករបស់កុមាររងគ្រោះ ឈ្មោះ ជិន ប៊ុនស៊្រាង បានមកដាក់ពាក្យបណ្តឹងនៅប៉ុស្តិ៍នគរបាលបឹងទំពន់ ដើម្បីអោយជួយស្រាវជ្រាវរកម៉ូតូមកវិញ ។ លុះមកដល់ម៉ោង៨និង០០ព្រឹកថ្ងៃទី១១ ខែ មិថុនា ឆ្នាំ២០១៧ សមត្ថកិច្ចនគរបាលខណ្ឌមានជ័យ សហការជាមួយកំលាំងប៉ុស្តិ៍បឹងទំពន់ បានស្រាវជ្រាវឃាត់ខ្លួនបានជនសង្ស័យ២នាក់ និងបន្តការប្រតិបត្តិការរហូតដល់ម៉ោង១៦និង៣០នាទី រសៀលថ្ងៃដដែលទើបឃាត់ខ្លួនបាន៣នាក់ទៀតមកសាកសួរនៅប៉ុស្តិ៍នគរបាលបឹងទំពន់ ។ ជនសង្ស័យទាំង៥នាក់ដែលសមត្ថកិច្ចឃាត់ខ្លួនបានមានឈ្មោះ
១- ឈ្មោះ សា អីុ ភេទប្រុស អាយុ២២ឆ្នាំ ស្នាក់នៅផ្ទះជួលក្នុងបុរីសំបួរមាស
២- ឈ្មោះ សៅ សំបូរ ភេទប្រុស អាយុ១៩ឆ្នាំ ស្នាក់នៅផ្ទះលេខ២១៨ក្រុមទី១១ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ
៣- ឈ្មោះ ភី ចាន់ធឿន ភេទប្រុស អាយុ២២ឆ្នាំ ស្នាក់នៅ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ
៤- ឈ្មោះ រឿង ភារិន ភេទប្រុស អាយុ ២៣ឆ្នាំ ស្នាក់នៅ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ
៥- ឈ្មោះ រឿង ភារុណ ភេទប្រុស អាយុ២២ឆ្នាំ ស្នាក់នៅ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ
បន្ទាប់មកនៅព្រលប់ថ្ងៃដដែលសមត្ថកិច្ចបានរកឃើញស្លាកលេខម៉ូតូរបស់ជនរងគ្រោះដែលជនសង្ស័យគាស់ចេញពីម៉ូតូ លាក់ទុកក្នុងផ្ទះ នៅម្តុំខាងក្រោយវត្តស្ទឹងមានជ័យ ក្បែរប្រឡាយទឹកស្អុយ និងបន្តការស្រាវជ្រាវរកម៉ូតូទៀត។ រីឯជនសង្ស័យទាំង៥នាក់ត្រូវបានសមត្ថកិច្ចកសាងសំណុំរឿង បញ្ជូនខ្លួនទៅតុលាការចាត់ការតាមនិតិវិធីច្បាប់៕ តាឡឹម
