ស្ត្រីពីរនាក់ឈ្លោះគ្នាដណ្តើមប្រុសស្អាតជាមន្រ្តីយោធា(មានវីដេអូ)

ភ្នំពេញ៖ មានរឿងភ្ញាក់ផ្អើលមួយ ដែលគេឃើញស្រ្តីពីរនាក់ មានអាយុប្រហែល ជាង40ឆ្នាំដូចគ្នា បានចេញមកជេរបញ្ចោគ្នាយ៉ាងអសុរោះនៅទីសាធារណៈ ដោយសារប្រចណ្ឌនឹងប្រុសស្អាតម្នាក់ ដែលគេដឹងថា ជាមន្ត្រីយោធា ។

មន្ត្រីយោធានេះ ត្រូវបានស្គាល់ឈ្មោះឆ័យ ដែលរស់នៅជិតសាលាបាក់ទូក ក្នុងសង្កាត់អូឫស្សី ខណ្ឌ7មករា ស្ត្រីពីរនាក់ដែលអ្នកទៅឈរមើលអះអាងថា ជាប្រពន្ធចុងរបស់មន្ត្រីយោធាឈ្មោះ ឆ័យ ទាំងពីរនាក់ ដោយប្រពន្ធដើមពិតប្រាកដ សព្វថ្ងៃនៅឯខេត្តស្វាយរៀងឯណោះ មិនបានដឹងអីសោះឡើយ។

បើតាមការអះអាងពីអ្នកស្គាល់គ្នានៅជិតនោះបានប្រាប់ថា ម្នាក់ជាប្រពន្ធទី2 និងម្នាក់ទៀតជាប្រពន្ធទី3 ដោយអ្នកទាំងពីរធ្លាប់បានឈ្លោះបែបនេះពីរដងរួចមកហើយ ដោយសារបុរសជាប្តីមកនែបនិត្យនាងទី3 ច្រើនជាងនាងទី2 ។

បើតាមការឲ្យដឹងពីនាងទី3និយាយថា រូបគាត់ក៏ចង់ផ្តាច់និស្ស័យជាមួយបុរសហេងស៊យនេះដែរ តែដោយសាបុរសម្នាក់នេះនៅជំពាក់លុយច្រើនពាន់ដុលារ ទើបនាង ចេះតែទ្រាំរស់នៅជាមួយដើម្បីបានសំណងលុយមកវិញខ្លះ ។

ជំុវិញករណីខាងលើនេះគេពំុទាន់ដឹងថា ប្រពន្ធដើមដែលរស់នៅឯខេត្តស្វាយរៀងដឹងរឿងនេះនៅឡើយនោះទេ៕ ឡូ សំអាត