សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលប៉ុស្ដិ៍ សហការជាមួយនគរបាលខណ្ឌ ជិះម៉ូតូល្បាតក្នុងគោលដៅ ស្រាប់តែប្រទះឃើញឃាត់បានជនសង្ស័យ៨នាក់ រក្សាទុកដាវមួយដើមខុសច្បាប់យកទៅសួរនាំ ។
ហេតុការណ៍នេះបង្កឲ្យមានការភ្ញាក់ផ្អើល កាលវេលាម៉ោង ១និង៤០នាទី រំលងអធ្រាត្រ ឈានចូលថ្ងៃទី១៤ ខែមិថុនា ឆ្នាំ២០១៧ ស្ថិតនៅតាមបណ្ដោយផ្លូវវេងស្រេង ទល់មុខក្លិបស្ពាយឌ័រ ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
ជនសង្ស័យទី ១-ឈ្មោះវ៉ុត រ័ត្នអាយុ ២០ឆ្នាំ មុខរបរកម្មករសំណង់ ស្នាក់នៅភូមិក្បាលដំរី សង្កាត់កាកាប ខណ្ឌពោធិ៍សែនជ័យ មានស្រុកកំណើតនៅភូមិ និងស្រុកត្រាំង ខេត្តតាកែវ។ ទី២-ឈ្មោះ ទូច សីហា ភេទប្រុស អាយុ១៧ឆ្នាំស្នាក់នៅទួលសង្កែ ខណ្ឌឫស្សីកែវ។ ទី៣-ឈ្មោះញឹម ព្រេម ភេទប្រុស អាយុ២១ឆ្នាំ មុខរបរជាងដែក ស្នាក់នៅភូមិជម្ពូវ័ន្ត សង្កាត់ចោមចៅ ខណ្ឌពោធិ៍សែនជ័យ។ ទី៤- ឈ្មោះនៅ សុធារ៉ា ភេទប្រុស អាយុ២០ឆ្នាំមុខរបរជាងសំណង់ ស្នាក់នៅភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ។ ទី៥-ឈ្មោះឆន សុខភេទប្រុស អាយុ១៨ឆ្នាំ មុខរបរកម្មករសំណង់ ស្នាក់នៅសង្កាត់ទួលសង្កែ ខណ្ឌឫសី្សកែវ ។ ទី៦-ឈ្មោះហ៊ុន មករា ភេទប្រុស អាយុ២០ឆ្នាំ មុខរបរជាងពិដាន ស្នាក់នៅភូមិជំម្ពូវន្ត សង្កាត់ចោមចៅ ខណ្ឌពោធិ៍សែនជ័យ។ ទី៧-ញ៉ ហាង ភេទប្រុស អាយុ២២ឆ្នាំ មុខរបរកម្មករសំណង់ ស្នាក់នៅភូមិក្បាលដំរី សង្កាត់កាកាប ខណ្ឌពោធិ៍សែនជ័យ។ ទី ៨ ឈ្មោះ វ៉ន ភ័ក្ត ភេទប្រុស អាយុ១៨ឆ្នាំ មុខរបរជាងម៉ូតូ ស្នាក់នៅភូមិក្បាលដំរី សង្កាត់កាកាប ខណ្ឌពោធិ៍សែនជ័យ។
ជនសង្ស័យទាំង៨នាក់ខាងលើ ដោយជិះម៉ូតូ៤គ្រឿង ទី១-ម៉ាក់និច ពណ៌ក្រហម លាយស អត់ស្លាក់លេខ(ជាប់ដាវ)។ ម៉ូតូទី២-ម៉ាកអែសស៊ែត(FZ)ពណ៌ខ្មៅ ពាក់ស្លាក់លេខ ភ្នំពេញ 1CA,4343។ ទី៣- ម៉ាកឌ្រីម សង់សេរ៊ី២០១៥ ពណ៌ខ្មៅពាក់ស្លាកលេខ តាកែវ 1K,2421។ ទី៤-ម៉ាកឡែកពណ៌ខ្មៅ ពាក់ស្លាកលេខ ភ្នំពេញ 1BX,8784 ។
តាមប្រភពព័ត៌មានពីកម្លាំងអន្តរាគមន៍ខណ្ឌពោធិ៍សែនជ័យនិងកំលាំងប៉ុសិ៍ចោមចៅ បានឲ្យដឹងថា នៅមុនពេលកើតហេតុ ពួកគាត់បានចេញល្បាតតាមបណ្តោយផ្លូវវេងស្រេង ហើយមកទល់មុខក្លិបខាងលើ ដោយឃើញជនសង្ស័យ ឈប់ម៉ូតូផ្តុំកំពុងនៅជុំគ្នាដោយមានការសង្ស័យបានចូលទៅឆែកម៉ូតូខាងលើ។ បន្ទាប់មកឃើញម៉ូតូម៉ាកនិច មានដាវទំនើបមួយដើម ក៏ឃាត់ខ្លួនជនសង្ស័យទាំងនោះភ្លាមៗផងដែរ។ រួចនាំជនសង្ស័យទាំង៨នាក់ខាងលើយកមកសាកសួរនៅប៉ុស្តិ៍។ ក្រោយពីធ្វើការសាកសួរជនសង្ស័យនិមួយៗបដិសេធរៀងៗខ្លួនពួកគាត់មិដឹងមានដាវនៅលើម៉ូតូនោះឡើយ។ ចំណែកម្ចាស់ម៉ូតូម៉ាកនិចខាងលើ បាននិយាយថា ម៉ូតូរបស់ខ្លួនត្រូវមិត្តភក្តផ្សេងទៀតបានខ្ចីហើយទើបនឹងយកអោយវិញ។
ក្រោយពេលកើតហេតុដោយជនសង្ស័យខាងលើដោយឆ្លើយបដិសេធយ៉ាងណាក៏ដោយកម្លាំងនគរបាលប៉ុស្ដិ៍កសាងសំណុំរឿងហើយបញ្ជូនជនសង្ស័យខាងលើទៅអធិការដ្ឋានគរបាលខណ្ឌពោធិ៍សែនជ័យចាត់ការតាមនីតិវិធី៕ សុខាសែនជ័យ
