សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ចូលទៅលួចអីវ៉ាន់នៅក្នុងផ្ទះត្រូវម្ចាស់ផ្ទះទាន់ចាប់ប្រគល់ឲ្យនគរបាលប៉ុស្តិ៍វាលវង់ នៅវេលាម៉ោង១២នាទីយប់ ឈានចូលថ្ងៃទី២០ ខែមិថុនា ឆ្នាំ២០១៧ នៅចំណុច ផ្ទះមួយកន្លែង ផ្លូវលេខ២១៥ សង្កាត់វាលវង់ខណ្ឌ៧មករា រាជធានីភ្នំពេញ។
ជនសង្ស័យមានឈ្មោះ អ្នក វល័ក្ស ភេទប្រុស អាយុ២០ឆ្នាំ មុខរបររើសអេតចាយ មានទីលំនៅមិនពិតប្រាកដ ។
តាមប្រភពព័ត៌មានពីជនរងគ្រោះបានប្រាប់ឱ្យដឹងថា មុនពេលកើតហេតុជនសង្ស័យម្នាក់បានឡើងទៅផ្ទះកើតហេតុខាលើ មួយស្ទុះក្រោយមក ក៏ស្រាប់តែមានជនសង្ស័យខាងលើបានបើកបង្អួចទ្វារផ្ទះរបស់ជនរងគ្រោះ ហើយបានបម្រុងលួចអីវ៉ាន់ពេលនោះ ជនរងគ្រោះក៏បានឮសំឡេង ក៏បានស្ទុះមកមើល ក៏ស្រាប់តែឃើញជនសង្ស័យម្នាក់កំពុងតែលួចយកអីវ៉ាន់របស់ខ្លួន ពេលនោះជនរងគ្រោះ ក៏ស្រែកថា ចោរៗ ក៏ដេញតាមពីក្រោយរហូតដល់ជួបកម្លាំងល្បាតនគរបាលប៉ុស្តិ៍វាលវង់ប្រទះឃើញក៏ដេញចាប់ភ្លាមៗតែមង្ត។
ក្រោយពេលកើតហេតុ ជនសង្ស័យ ត្រូវបានសមត្ថកិច្ចនាំទៅកាន់ប៉ុស្តិ៍នគរបាលរដ្ឋបាលវាលវង់សាកសួរ និងកសាងសំណុំរឿងបញ្ជូនទៅអធិការដ្ឋាននគរបាលខណ្ឌ៧មករាដើម្បីចាត់ការបន្តតាមច្បាប់៕ ស រស្មី
