សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ៖ នៅវេលាម៉ោង១១និង៣០នាទីព្រឹក ថ្ងៃទី ២៣ ខែមិថុនា ឆ្នាំ២០១៧ កម្លាំង នៃការិយាល័យព្រហ្មទណ្ឌកំរិតស្រាល ក្រុងសំរោង បានឃាត់ខ្លួនក្រុមក្មេងទំនើងមួយក្រុមមានគ្នា៥នាក់ ដែលបានបង្កការវាយតប់ និងកាប់គ្នាបណ្តាលឲ្យរងរបួសស្រាល ដល់ជនរងគ្រោះ១នាក់ កាលថ្ងៃទី២២ ខែមិថុនា ឆ្នាំ២០១៧ វេលាម៉ោង៤និង៣០នាទីរសៀល នៅចំណុចភូមិអន្លង់វែងថ្មី សង្កាត់កូនគ្រៀល ក្រុងសំរោងខេត្តឧត្តរមានជ័យ ។
បើតាមរបាយការណ៍របស់កម្លាំងនគរបាលជំនាញក្រុងសំរោងបានឲ្យដឹងថា៖ ជនសង្ស័យទាំង៥នាក់មានឈ្មោះដូចខាង ក្រោម:
ទី១.ឈ្មោះផុន ដាវន្ត័ ភេទប្រុស អាយុ១៨ឆ្នាំ រស់នៅភូមិឈូក សង្កាត់សំរោង (ធ្លាប់ជាប់ពន្ធនាគារករណីប្រើប្រាស់គ្រឿងញៀនឃាត់ជាមួយក្រុមអាជ្រូក) និងធ្លាប់វាយតប់គ្នាយកដុំថ្មគប់ផ្ទះ លោក យន់ ព្លឿត លក់គ្រឿងសំណង់កាលពីថ្ងៃ ១៨ មេសា ២០១៧ ត្រូវអន្តរាគមន៍ឃាត់ខ្លួនអប់រំ ។
២.ឈ្មោះ រឿង សុិនឡាង ភេទប្រុស អាយុ១៦ ឆ្នាំ រស់នៅភូមិពុល សង្កាត់សំរោង ឧត្តរមានជ័យ(ដៃដល់)។
៣.ឈ្មោះដឿន វណ្ណា ភេទប្រុស អាយុ១៧ឆ្នាំ រស់នៅភូមិអូក្រវ៉ាន់ ក្រុងសំរោងខេត្តឧត្តរមាជ័យ។
៤.ឈ្មោះ ភាព សុភក្រ័ ភេទប្រុស អាយុ១៧ ឆ្នាំ នៅភូមិគោកគ សង្កាត់សំរោង ក្រុងសំរោង ខេត្តឧត្តរមានជ័យ។
៥.ឈ្មោះឆោម ចាន់ណា ភេទប្រុស អាយុ១៦ឆ្នាំ នៅភូមិឈូក សង្កាត់សំរោង ក្រុងសំរោង ឧត្តរមានជ័យ។
ក្មេងទំនើងទាំង៥ខាងលើ កម្លាំងនគរបាលជំនាញ កំពុងសាកសួរ និងរៀចំសំណុំរឿងតាមច្បាប់ ៕ ប៉ែន នួន
