ប្រទេសឃើញគំនរឈើមិនក្រោមពី២០ម៉ែត្រគូបចិញ្ចើមផ្លូវលំក្រាលគ្រួសក្រហម ភូមិស្រែពពាយ ពោធិ៍សាត់

ខេត្តពោធិ៍សាត់៖ កាលពីរសៀលថ្ងៃទី២៤ ខែមិថុនា ឆ្នាំ២០១៧ គេបានប្រទះឃើញគំនរឈើនៅចំណុចចិញ្ចើមផ្លូវលំក្រាលគ្រួសក្រហម មាត់ព្រៃខាងក្រោយភូមិ ស្ថិតក្នុងភូមិស្រែពពាយ ឃុំសន្ត្រែ ស្រុកភ្នំក្រវាញ់ ខេត្តពោធិ៍សាត់ ។

គំនរឈើនេះត្រូវគេរាយការណ៍ថា មានចំនួន១៤ដុំ មុខកាត់ធំៗ ចាប់ពី៦តឹកឡើងទៅ ប្រវែងពី៣ម៉ែទ្រទៅ៥ម៉ែត្រ ។ ឈើទាំងនេះត្រូវគេប៉ាន់ប្រមាណថា មិនក្រោមពី២០ម៉ែត្រគូបនោះឡើយ ។

ករណីខាងលើនេះ ភ្នាក់ងារយកព័ត៌មាននគរវត្តបានសួរនាំទៅកាន់នាយសង្កាត់រដ្ឋបាលព្រៃឈើលាចផងដែរ ហើយលោកពាក មនោ បានឆ្លើយតបថា លោកនឹងចុះពិនិត្យភ្លាមៗ ៕ ប៉ឹម ពិន