សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យជាអ្នកជួញដូរគ្រឿងញៀនម្នាក់ ត្រូវបានកម្លាំងអន្តរាគមន៍ខណ្ឌដូនពេញឃាត់ខ្លួន និងដកហូតថ្នាំញៀនមួយចំនួន កាលពីថ្ងៃទី២៧ ខែមិថុនា ឆ្នាំ២០១៧ នៅចំណុច ផ្លូវរថភ្លើង ភូមិ៣ សង្កាត់ស្រះចក ខណ្ឌដូនពេញ រាជធានី ភ្នំពេញ។
ជនសង្ស័យត្រូវឃាត់ខ្លួនឈ្មោះ ចិត្ត ចាន់សុភក្រ្តា ភេទប្រុស អាយុ២៥ ឆ្នាំ ជនជាតិខ្មែរ មុខរបរ និងទីលំនៅ មិនពិតប្រាកដ (ឃាត់ខ្លួន)។
សម្ភារដែលដកហូតមានក្រាមពណ៌ស ថ្លាសង្សយ័ជាគ្រឿងញៀន៩កញ្ចប់តូច។
សមត្ថកិច្ចបានឲ្យដឹងថា នៅមុនពេលកើតហេតុ កម្លាំងល្បាតបានជិះម៉ូតូល្បាតក្នុងមូលដ្ឋានទបស្កាត់បទល្មើស ខណៈទៅដល់ចំណុចផ្លូវរថភ្លើង ក៏ឃើញជនសង្ស័យឈរកន្លែងងងឹត ទើបហៅឆែកឆេរ ក៏រកឃើញថ្នាំញៀន និងឃាត់ខ្លួនតែម្តង។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌដូនពេញ និងកសាងសំណុំរឿងបញ្ជូនទៅតុលាការ៕ សុខាសែនជ័យ
