សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ ៖ នៅរសៀលថ្ងៃទី៣០ ខែមិថុនា ឆ្នាំ២០១៧ ជនរងគ្រោះ២នាក់បានទៅដាក់ពាក្យបណ្តឹងនៅបញ្ជាការដ្ឋានកងរាជអាវុធហត្ថស្រុកអន្លង់វែងដើម្បីឲ្យជួយអន្តរាគមន៍ បន្ទាប់ពីពួកគាត់ទទួលរងការវាយដំ និងគំរាមបាញ់សម្លាប់ពីមន្ត្រីយោធាមួយក្រុម ដឹកនាំដោយលោកលោកឧត្ដមសេនីយ៍ត្រីម្នាក់ ឈ្មោះ ដួង ស៊ីណា ស្ថិតនៅលើដីចំការរបស់ពួកគាត់ នៅក្នុងតំបន់ក្រុមហ៊ុនទំរីងរ៉ាប់ប៊ើ និងដាតារ៉ាប់បើរ ក្នុងភូមិអូតាមែង ស្រុកអន្លង់វែង ខេត្តឧត្តរមានជ័យ ដោយលោកផ្កាយមួយរូបនេះ បានចេញមុខកាងដីឲ្យខាងក្រុមហ៊ុនខាងលើ ដោយប្រើប្រាស់យោធាសឹករងខេត្តចំនួនដប់នាក់បន្ថែមទៀត។ បច្ចុប្បន្ននេះ លោកផ្កាយ១សង្ស័យបង្កហិង្សា និងគំរាមបាញ់សម្លាប់នោះ បាននិងកំពុងរត់គេចខ្លួន ។
ប្រភពពត៌មានបានឲ្យដឹងថា លោកម៉ុត មនមេភូមិថ្នល់កែង និងលោកឡុ ងប៊ុនថេង អនុភូមិអូតាមែងបាននាំគ្នាមកដាក់ពាក្យបណ្ដឹងក្រោយពីពួកគាត់ទាំងពីរនាក់ត្រូវទទួលរងការវាយដំ និងគំរាមបាញ់សម្លាប់ ខណៈពួកគាត់កំពុងបាញ់ថ្នាំស្មៅនៅក្នុងដីចម្ការរបស់ខ្លួន បណ្តាលឲ្យសន្លប់នៅនិងកន្លែង ពីសំណាក់មន្ត្រីយោធាមួយក្រុមដែលដឹកនាំដោយលោកឧត្ដមសេនីយ៍ត្រីម្នាក់ ឈ្មោះដួង ស៊ីណា កាលពីរសៀលថ្ងៃទី២៩ ខែមិថុនា ឆ្នាំ២០១៧។
លោកឡុង ប៊ុនថេង អនុភូមិអូតាមែង បានបន្ដថា ខាងក្រុមហ៊ុនមិនបានអនុវត្តតាមអនុសាសន៍របស់សម្ដេចតេជោហ៊ុន សែន និងច្បាប់0១នោះទេ ដោយប្រមុខរាជរដ្ឋាភិបាលឲ្យកាត់ដីជួនដល់ពលរដ្ឋវិញ អនុវត្តទៅតាមរូបមន្តស្បែកខ្លា។ តែផ្ទុយទៅវិញ ក្រុមហ៊ុនមិនគោរព បែរជាប្រើប្រាស់កងកំលាំងយោធាយកអាវុធមកវាយធ្វើបាបទាំងពលរដ្ឋ និងអាជ្ញាធរភូមិថែមទៀត ដែលប្រជាពលរដ្ឋនៅប្រហែលជាង១២០គ្រួសារទៀត ខាងក្រុមហ៊ុនមិនរកដំណោះស្រាយ និងកំពុងរងគ្រោះដោយសារខាងក្រុមហ៊ុនមិនឲ្យចូលបង្កបង្កើនផលដូចពីមុន។
ពេលកើតហេតុ លោកអនុសេនីយ៍ទោ ងួន ធារិទ្ធ មេបញ្ជាការកងរាជអាវុធហត្ថមូលដ្ឋានស្រុកអន្លង់វែងបានទទួលបណ្ដឹងពីជនរងគ្រោះ ហើយសមត្ថកិច្ចបានចាត់កម្លាំងឲ្យតាមចាប់ជនបង្កឈ្មោះ ដួង ស៊ីណា តែបានរត់គេចខ្លួនបាត់ ដោយកំលាំងសមត្ថកិច្ចចាប់បានមន្ដ្រីយោធាម្នាក់មកសាកសួរតែមិនមែនជាជនដៃដល់ ក៏ដោះលែងទៅវិញ ៕ ប៉ែន នួន
ផ្កាយ១ដួង ស៊ីណា សង្ស័យកាងដីក្រុមហ៊ុនវាយនិងគំរាមបាញ់សម្លាប់ពលរដ្ឋ
ជនរងគ្រោះ២នាក់
