សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងអន្តរាគមន៍ខណ្ឌពោធិ៍សែនជ័យឃាត់ជនសង្ស័យម្នាក់ឆែកឆេររកឃើញថ្នាំញៀន១កញ្ចប់ថង់តូច។
ហេតុការណ៍នេះ កើតឡើងនៅវេលាម៉ោង២៣និង៣០នាទី ថ្ងៃទី៥ ខែកក្កដា ឆ្នាំ២០១៧ មុខក្លឹប មីតណាយ ភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ។
សមត្ថកិច្ចបញ្ជាក់ថា ជនសង្ស័យឈ្មោះ ប៉ាយ ចិន្តា ភេទប្រុស អាយុ៣៣ឆ្នាំ មុខរបរសន្តិសុខ ស្នាក់នៅផ្ទះជួលភូមិ ទួលពង្រ សង្កាត់ចោមចៅ ខណ្ឌពោធិសែនជ័យ មានស្រុកកំណើតនៅស្រុកមេសាង ខេត្តព្រៃវែង។
មុនពេលឃាត់ខ្លួនជនសង្ស័យខាងលើ កម្លាំងសមត្ថកិច្ចអន្តរាគមន៍នៃអធិការដ្ធាននគរបាលខណ្ឌពោធិសែនជ័យ បានជិះម៉ូតូល្បាត ក្នុងភូមិស្រាស្ត ដើម្បីទប់ស្កាត់បទល្មើសកុំឲ្យកើតមានឡើង។ លុះដល់ម៉ោងកើតហេតុ មុខក្លឹបមីតណាយ ភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ ក៏ឃើញជនសង្ស័យខាងលើកំពុងឈរ ហើយកម្លាំងមានការសង្ស័យបានហៅឲ្យឈប់ តែជនសង្ស័យមិនបានរត់ព្រមទាំងបោះថ្នាំញៀនចោល តែកម្លាំងយើងឃើញទាន់រើសបាននៅលើដីចំនួន១កញ្ចប់។
ក្រោយមក កម្លាំងបានឃាត់ខ្លួនជនសង្ស័យ រួមជាមួយវត្ថុតាងនាំមកកាន់ផ្នែកជំនាញដើម្បីសាកសួរតែម្តង។
បច្ចុប្បន្ន ជនសង្ស័យរួមនឹងវត្ថុតាងបញ្ចូនមកសាកសួរ និងឃុំខ្លួនបណ្តោះអាសន្ននៅផ្នែកជំនាញនៃអធិការដ្ធាននគរនបាលខណ្ឌពោធិសែនជ័យដើម្បីបន្តអនុវត្តតាមនិតិវិធី៕ សុខាសែនជ័យ
