សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ នៅវេលាម៉ោង២០និង១០នាទី ថ្ងៃទី៩ ខែកក្កដា ឆ្នាំ២០១៧ មានករណីឃាតកម្មមួយកើតឡើងនៅចំណុច ភូមិសំរោង ឃុំចុងដូង ស្រុកបារាយណ៍ ខេត្តកំពង់ធំ បណ្ដាលឲ្យបុរសម្នាក់ស្លាប់ពេលសាច់ញាតិបញ្ជូនទៅពេទ្យបង្អែកបារាយណ៍សន្ទុក។
តាមប្រភពព័ត៌មានពីសមត្ថកិច្ចបានឲ្យដឹងថា ជនសង្ស័យឈ្មោះ ពេជលីន ភេទប្រុស អាយុ42ឆ្នាំ រស់នៅភូមិសំរោង ឃុំចុងដូង ស្រុកបារាយណ៍ ខេត្តកំពង់ធំ បានយកពូថៅកាប់ទៅលើជនរងគ្រោះចំនួន2ពូថៅចំក ជនរងគ្រោះឈ្មោះ ស៊ុនធូក ភេទប្រុស អាយុ39ឆ្នាំ នៅភូមិកើតហេតុខាងលើ ស្លាប់ពេលសាច់ញាតិបញ្ជូនទៅពេទ្យបង្អែកបារាយណ៌សន្ទុក ។
មូលហេតុជនសង្ស័យ និងជនរងគ្រោះផឹកស៊ីទាស់ពាក្យសំដីគ្នា។ ក្រោយពេលកើតហេតុជនសង្ស័យបានរត់គេចខ្លួនបាត់។
ក្រោយពេលកើតហេតុ កម្លាំងកងរាជ អាវុធហត្ថបើកការស្រាវជ្រាវតាមចាប់ខ្លួនជនសង្ស័យមកផ្ដន្ទាទោសតាមច្បាប់ ៕ ប៊ុន រិទ្ធី
