សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ អ្នកភូមិនិងក្រុមគ្រួសារមានការភ្ញាក់ផ្អើល និងឆោឡោយ៉ាងខ្លាំង ខណៈប្រទះឃើញសាកសពកូនស្រីរបស់ខ្លួន ស្លាប់ក្នុងប្រឡាយទឺកក្បែរផ្ទះ ព្រមទាំងរាយការណ៍មកសមត្ថកិច្ចមូលដ្ឋានកាលពីរសៀលវេលាម៉ោង៣និង៤០នាទីរសៀល ថ្ងៃទី១២ ខែកក្កដា ឆ្នាំ២០១៧ ស្ថិត ភូមិសំរោង ឃុំមុខដា ស្រុករមាសហែក។
យោងតាមសមត្ថកិច្ចនគរបាលខេត្តស្វាយរៀងបានអោយដឹងថា ក្មេងស្រីរងគ្រោះមានឈ្មោះ ចាប ចន្ថន មានអាយុ ៦ ឆ្នាំ រស់ក្នុងភូមិ ឃុំកើតហេតុខាងលើ។
ប្រភពបន្តថា ក្រោយពីទទួលព័ត៌មានពីប្រជាពលរដ្ឋថា មានក្មេងស្លាប់នៅទឹកប្រឡាយទើបកំលាំងនគរបាលខេត្តសហការជាមួយនគរបាលជំនាញនិងនគរបាលស្រុកបានចុះមកដល់កន្លែងកើតហេតុ។
បន្ទាប់ពីពិនិត្យសាសពរួចមិនឃើញមានស្នាកស្នាមកត់សំគាល់នោះទេពិតជាបានស្លាប់ដោយរអឹលជើងលង់ទឹកប្រឡាយពិតប្រាកដមែនទើបសមត្ថកិច្ច បានប្រគល់សាកសពទៅអោយឪពុកម្ដាយធ្វើបុណ្យតាមប្រពៃណី ៕
