សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនមិនទាន់ស្គាល់អត្តសញ្ញាណម្នាក់បានបាត់បង់ជីវិតយ៉ាងអាណោចអាធ័ម ខណៈបើកបរម៉ូតូម៉ាកអាខន ធ្វើដំណើរតាមដងផ្លូវ ហើយត្រូវរថយន្តបែនដឹកដី បើកបុកពីក្រោយយ៉ាងពេញទំហឹង ។
ករណីនេះបានកើតឡើងកាលពីវេលាម៉ោង៧និង១០នាទីព្រឹក ថ្ងៃទី១៤ ខែកក្កដា ឆ្នាំ២០១៧ ស្ថិតនៅបណ្តោយផ្លូវបេតុងវត្តសំរោងអណ្តែត ភូមិរោងចក្រ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ក្រោយកើតហេតុ នគរបាលចរាចរណ៍បានចុះដល់កន្លែងកើតហេតុ និងឃាត់ខ្លួនជនបើកបររថយន្តបង្កផងដែរ ខណៈដែលជនរងគ្រោះនៅមិនទាន់ស្គាល់អត្តសញ្ញាណនៅឡើយទេ ស្ថិតក្រោមការស្រាវជ្រាវរបស់សមត្ថកិច្ច ៕ តុង សីហា
