សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រុមក្មេងទំនើងចំនួនពីរក្រុម ត្រូវកម្លាំអាវុធហត្ថខណ្ឌសែនសុខឃាត់ខ្លួនបាន៤នាក់ បន្ទាប់ពីពួកគេបានផឹកសុីស្រវឹងហើយ នាំគ្នាចូលរាំលេងក្នុងក្លឹប ហ្លេយ៏បង្កររបួសស្នាមបណ្តាកអោយភាគីម្ខាងទៀតរបួសបែកក្បាល ។
ការឃាត់ខ្លួនក្រុមក្មេងទំនើងទាំង៤នាក់ខាងលើនេះ នៅវេលាយប់រំលងអធ្រាត្រ ថ្ងៃទី ១៦ ខែកក្កដា ឆ្នាំ២០១៧ នៅចំណុចក្នុងក្លឹប ហ្លេយ៏ ស្ថិតនៅផ្លូវ២០០៤ភូមិ ត្រពាំងឈូក សង្កាត់ អូរបែកក្អម ខណ្ឌ សែនសុខ ។
កម្លាំងអាវុធហត្ថបានអោយដឹងថាជនសង្ស័យដែលឃាត់ខ្លួន៖
១/ឈ្មោះ ភូន វណ្ណៈ ភេទ ប្រុស អាយុ ១៩ឆ្នាំ មុខរបរ ជាងភ្លើង ស្នាក់នៅ ខណ្ឌ ពោធិ៍សែនជ័យ
២/ឈ្មោះ ភោគ វីរៈ ភេទ ប្រុស អាយុ ២១ឆ្នាំ មុខរបរ កម្មករសំណង់ ស្នាក់នៅ ភូមិ បាយ៉ាប សង្កាត់ ភ្នំពេញថ្មី ខណ្ឌ សែនសុខ
៣/ឈ្មោះ សឿន ហន ភេទប្រុស អាយុ ២២ឆ្នាំ មុខរបរ ជាងម៉ូតូ ស្នាក់នៅ ផ្សារប៉េសេ សង្កាត់ បឹងទំពុន ខណ្ឌ មានជ័យ
៤/ឈ្មោះ ជុន ធារ៉ា ភេទ ប្រុស អាយុ ២២ឆ្នាំ មុខរបរ ជាងម៉ូតូ ស្នាក់នៅ ភូមិចំការដូង ខណ្ឌដង្កោ។
ដោយឡែកភាគីរងគ្រោះមានឈ្មោះ ចិន ឌី ភេទប្រុសអាយុ២៥ឆ្នាំ ស្នាក់នៅភូមិព្រៃទា សង្កាត់កាកាបខណ្ឌពោធិ៍សែនជ័យ។
ក្នងនោះវត្ថុតាងចាប់យក៖ ម៉ូតូ ម៉ាកMSXពណ៍ខ្មៅ ពាក់ស្លាក ភ្នំពេញ 1C 6019, ម៉ូតូម៉ាក Dream C125 ពណ៍ខ្មៅ ស៊េរី 2014 ពាក់ស្លាកលេខ ស្វាយរៀង 1H 8637, ស្នាប់ដៃ ដែក១ ជារបស់ឈ្មោះ ភូន វណ្ណៈ
ប្រភពពីកម្លាំងអាវុធហត្ថបានអោយដឹហថានៅវេលាម៉ោង ២២និង០០នាទីយប់ ថ្ងៃទី១៦ខែកក្តដា ឆ្នាំ២០១៧ ឈ្មោះ ភូន វណ្ណៈ ហៅ ដូបានបបួលមិត្តភក្តិ (ដែលមានឈ្មោះខាងលើ)ទិញស្រាបៀ អង្គរ ចំនួន ១ កេះផឹកនៅបន្ទប់ជួល លុះផឹកអស់ស្រាក៏បបួលគ្នាទៅរាំលេងនៅក្លឹប ហ្លេយ៏ ស្ថិតនៅកន្លែងកេីតហេតុខាងលេី ក៏ហៅស្រាថូមួយឈុតទៀត (៦ថូ) លុះដល់វេលាម៉ោង ២៤និង១៥នាទី ស្រាប់តែមានរឿងឈ្លោះគ្នានៅកន្លែងរាំជាមួយបក្សពួកមួយក្រុមទៀត ដែលមានគ្នាប្រហែល១០នាក់ ពេលនោះបក្សពួករបស់ខ្លួនបាននាំគ្នាវាយទៅលេីបក្សពួកម្ខាងទៀត ក៏បណ្ដាលឲ្យបែកក្បាល ហូរឈាម ភ្លាមនោះសន្តិសុខក្លឹបក៏ចាប់ឃាត់ខ្លួនប្រគល់អោយកម្លាំងល្បាត អាវុធហត្ថ ខណ្ឌសែនសុខ យកមកសាកសួរនៅមូលដ្ឋានអហ ខណ្ឌសែនសុខ តែម្ដងចំណែកភាគីរងគ្រោះត្រូវបានបញ្ជួនទៅព្យាបាលនៅមន្ទីរពេទ្យឯកជន។
ក្រោយពីធ្វើការសាកសួររួចមកជនបង្កទាំង៤នាក់ត្រូវបញ្ជូនទៅការិយាល័យបទល្មើសព្រហ្មទណ្ឌ អាវុធហត្ថរាជធានីភ្នំពេញ ចាត់ការតាមនិតិវិធីច្បាប់៕ តុង សីហា
