សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារី៣នាក់ ខណៈជិះម៉ូតូឌុបគ្នាទៅជួបមិត្តភក្តិ ក៏ត្រូវជនសង្ស័យមួយក្រុមមានគ្នា ៨នាក់ ជិះម៉ូតូ៤គ្រឿងបានជិះម៉ូតូតាមមកពីក្រោយ ហើយក៏បានធ្វើសកម្មភាពឆក់យកទូរស័ព្ទ ដៃពីនារីដែលអង្គុយខាងក្រោយតែមិនបានសម្រេច បណ្តាលអោយនារីរងគ្រោះ ដួលម៉ូតូរងរបួសស្រាល ហេតុការណ៍នេះបានកើតឡើងនៅវេលាម៉ោង ២៣និង២០នាទីយប់ ថ្ងែទី២៣ ខែកក្កដា ឆ្នាំ២០១៧ តាមបណ្តោយផ្លូវព្រះមុនីរ៉េត ម្តុំផ្សារដើមគរ ដែលស្ថិតក្នុងសង្កាត់ ទួលស្វាយព្រៃ២ ខណ្ឌចំការមន រាជធានីភ្នំពេញ ។
បើតាមសម្តីនារីរងគ្រោះខាងលើបានឲ្យដឹងថា មុនពេលកើតហេតុ គាត់មានគ្នា៣នាក់ បានជិះម៉ូតូមួយគ្រឿងម៉ាក ហុងដាឌ្រីមសេ១២៥ ពណ៍ខ្មៅ ដែលមានពាក់ស្លាកលេខ ភ្នំពេញ1FN-2155 ទើបតែជិះចេញពីកោះពេជ្រ បំរុងថាជិះទៅផ្ទះ នៅម្តុំចំការដូង តែជិះដល់ផ្សារដើមគរ មិត្តភក្តិម្នាក់ ក្នុងចំណោមនោះ ក៏បានហៅឲ្យជូនទៅយកកាដូរពីសង្សារ ដែលនៅម្តុំ សណ្ឋាគារផ្កាឈូកទិព្វ ហើយបានធ្វើដំណើរតាមបណ្តោយផ្លូវព្រះមុនីរ៉េត ក្នុងទិសដៅពីត្បូងទៅជើង ខណ:ពេលធ្វើដំណើរមកដល់កន្លែងកើតហេតុខាងលើ ម្តុំផ្សារដើមគរ នារីម្នាក់ដែលអង្គុយខាងក្រោយ កំពុងតែកាន់ទូរស័ព្ទដៃនិយាយ ក៏មានក្រុមជនសង្ស័យមានគ្នា ៨នាក់ ជិះម៉ូតូ៤គ្រឿង ដេញតាមនារីរងគ្រោះពីក្រោយ ហើយបានជិះមកជិត ធ្វើសកម្មភាពឆក់ទូរស័ព្ឌដៃ ពីនារីរងគ្រោះខាងលើ ដែលកំពុងតែកាន់ទូរស័ព្ទដៃនិយាយ ប៉ុន្តែឆក់មិនបានសំរេច ក៏បណ្តាលឲ្យនារីរងគ្រោះខាងលើ ដួលម៉ូតូ រងរបួសស្រាលទាំង៣នាក់ ចំណែកក្រុមជនសង្ស័យឃើញនារីរងគ្រោះដួលដូច្នេះក៏ បាននាំគ្នាជិះម៉ូតូរត់គេចខ្លួនបាត់ស្រមោលតែម្តង ។
ក្រោយពេលកើតហេតុភ្លាមៗ នារីរងគ្រោះខាងលើ មិនបានទៅដាក់ពាក្យបណ្តឹងនោះទេ បានទូរស័ព្ឌហៅមិត្តភក្តិ ឲ្យមកកំដរជិះម៉ូតូទៅផ្ទះវិញផងដែរ ៕ ស រស្មី
