សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ បន្ទាប់ពីបានអន្តរាគមន៍សង្គ្រោះដំណាំស្រូវជួបការខ្វះខាតទឹកប្រមាណ ១.៧០០ ហិកតា នៅក្នុងឃុំណាំតាវ ស្រុកភ្នំស្រុក ខេត្តបន្ទាយមានជ័យ តាមរយៈការបើកទម្លាក់ទឹកពីប្រព័ន្ធធារាសាស្ត្រ ស្ទឹងស្រែង ក្នុងខេត្តឧត្តរមានជ័យ បញ្ជូនតាមប្រឡាយមេ ០១ ខ្សែ ដែលមានប្រវែងជាង ១៧ គម រួចមក នៅថ្ងៃទី ២៤ ខែកក្កដា នេះ ក្រុមការងាររបស់ក្រសួងធនធានទឹក និងឧតុនិយម បានបន្តបញ្ជូនទឹកតាមប្រឡាយមេ ០១ ខ្សែនេះ ទៅកាន់ឃុំភ្នំដី ស្រុកភ្នំស្រុក ដើម្បីអន្តរាគមន៍សង្គ្រោះដំណាំស្រូវដែលកំពុងជួបការខ្វះខាតទឹកប្រមាណ ៧០០ ហិកតា បន្ថែមទៀត ៕
