សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់ត្រូវរងរបួសធ្ងន់ ត្រូវបានរថយន្តដឹកយកទៅសង្គ្រោះភ្លាមៗនៅមន្ទីរពេទ្យ ខណៈរថយន្ត២គ្រឿងបុកគ្នាពេញទំហឹងរងការខូចខាតទាំងសងខាង។
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង ០២ និង ៤៥នាទីរំលងអធ្រាត្រ ឈានចូលថ្ងៃទី ២៧ ខែកក្កដា ឆ្នាំ២០១៧ ត្រង់ចំណុចភូមិកប់ស្រូវតូច លើផ្លូវទំនប់កប់ស្រូវ សង្កាត់គោករកា ខណ្ឌព្រែកព្នៅ រាជធានីភ្នំពេញ ។
តាមសមត្ថកិច្ចនៅកន្លែងកើតហេតុបានឲ្យដឹងថា រថយន្តបង្ក ម៉ាកHYUNDAIពណ៍៍ ស ពាក់ស្លាកលេខ ភ្នំពេញ 2AM1807 ក្រោយពេលកើតហេតុរួចអ្នកបើកបរគេចខ្លួនបាត់ ដោយបន្សល់ទុករថយន្តចោលនៅកន្លែងកើតហេតុ ដោយ ធ្វើដំណើរតាមផ្លូវទំនប់កប់ស្រូវក្នុងទឹសដៅ ពីកើត ទៅលិចលុះ មកដល់កន្លែងកើតហេតុ ក៏បានបុកជាមួយរថយន្តមួយគ្រឿង ដែលធ្វើដំណើរច្រាសទិសគ្នាម៉ាក cmary ពណ៍ខ្មៅ ពាក់ស្លាកលេខ ភ្នំពេញ2K-5531 ។
លោកស៊ិន សុវណ្ណ ប្រធានផ្នែកចរាចរណ៍ខណ្ឌព្រែកព្នៅបានប្រាប់ថា ជនបើកបរបង្កគ្រោះថ្នាក់មិនបានស្គាល់អត្តសញ្ញាណទេ ចំណែកអ្នករងរបួសភាគីរងគ្រោះ បើកបរដោយឈ្មោះយ៉ា សូហៃទី ភេទប្រុស អាយុ៣២ឆ្នាំ មានទីលំនៅ ឃុំនរា ស្រុកសង្កែ ខេត្តបាត់ដំបង របួសធ្ងន់ ត្រូវបញ្ជូនទៅមន្ទីរពេទ្យដើម្បីសង្គ្រោះ។
បច្ចុប្បន្ន រថយន្តទាំង២គ្រឿង ត្រូវបានកម្លាំងនគរបាលខណ្ឌព្រែកព្នៅ វាស់វែងរួចប្រគល់ឲ្យនគរបាលការិយាល័យចរាចរណ៍ផ្លូវគោករាជធានីភ្នំពេញយកទៅរក្សាទុក រង់ចាំដោះស្រាយពេលក្រោយ៕ ព្រែកជ័យ
