សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ ស្ត្រីម្នាក់បើករថយន្ដហាយឡេនឌឺធ្លាក់ថ្នល់ក្រឡាប់ផ្ងារជើងកាលពីវេលាម៉ោង៤និង០០នាទីរសៀល ថ្ងៃទី២៦ ខែកក្កដា ឆ្នាំ២០១៧ ត្រង់ចំណុច វាលសសៃ ភូមិសូយោង ឃុំសូយោង ស្រុកបារាយណ៍ ខេត្តកំពង់ធំបណ្ដាលឲ្យស្លាប់ស្រ្ដីម្នាក់នៅកន្លែងកើតហេតុ។
តាមប្រភពព័ត៌មានពីសមត្ថកិច្ចនគរបាល បានឲ្យដឹងថា គ្រោះថ្នាក់ចរាចរណ៍នេះបង្កឡើងដោយរថយន្ដ ហាយឡេនឌឺ ពណ៌ទឹកប្រាក់ ពាក់ស្លាក់លេខ ភ្នំពេញ 2AE0453 បើកបរដោយ ឈ្មោះ រស់ វណ្ណា ភេទស្រី អយុ ៤៨ឆ្នាំ រស់នៅភូមិ ប៉ាណា ឃុំសូរទិព្វ ស្រុកជើងព្រៃ ខេត្តកំពង់ចាម។
ក្រោយកើតហេតុ សមត្ថកិច្ចបានវាស់វែងធ្វើកំណត់ហើយធ្វើកុសល្យវិច័យដោយសន្និដ្ឋានថា រថយន្ដនេះទំនង់ជា បើកជែង គេមិនរួច បានគេចរថយន្ដមួយផ្សេងទៀត ក្នុងល្បឿនលឿនផង បណ្ដាលឲ្យរេចង្កូតធ្លាក់ថ្នល់តែម្ដង ។
ក្រោយមកស្ទូចយករថយន្ដយកទៅរក្សារទុកនៅអធិការដ្ឋានស្រុកបារាយណ៍ និងប្រគល់សាកសពឲ្យសាច់ញាតិក្រុមគ្រួសារយកទៅធ្វើបុណ្យតាមប្រពៃណី៕ ប៊ុន រិទ្ធី
