ឃាត់ខ្លួនជនសង្ស័យពាក់ព័ន្ធករណីលួចមានស្ថានទម្ងន់ទោស

ខេត្តព្រះសីហនុ៖ នៅថ្ងៃទី៣០ ខែកក្កដា ឆ្នាំ២០១៧ វេលាម៉ោង ១៥ ការិយាល័យកណ្តាលនគរបាលព្រហ្មទណ្ឌ បានធ្វើការឃាត់ខ្លួនជនសង្ស័យ២នាក់ ក្នុងចំណោម៣នាក់ ដែលបានធ្វើសកម្មភាព ចូលលួចសម្ភារៈក្នុងបន្ទប់ផ្ទះសំណាក់អូរសៀន១១ ស្ថិតនៅក្រុមទី០៤ ភូមិ៤ សង្កាត់៤ ក្រុងព្រះសីហនុ ខេត្តព្រះសីហនុ ។

សមត្ថកិច្ចប្រាប់ថា ជនសង្ស័យ ០៣នាក់៖ ឈ្មោះ សុខ ចាន់ធឿន ភេទប្រុស អាយុ ៣៥ឆ្នាំ មុខរបរ មិនពិតប្រាកដ មានទីលំនៅផ្ទះជួល ភូមិ៣ សង្កាត់៤ ក្រុង-ខេត្តព្រះសីហនុ (ជនដៃដល់), ឈ្មោះ វ៉ាន់ សុវ៉ាត ហៅ ត្រេន ភេទប្រុស អាយុ ១៦ឆ្នាំ មុខរបរ មិនពិតប្រាកដ មានទីលំនៅផ្ទះជួល ភូមិ៣ សង្កាត់៤ ក្រុង-ខេត្តព្រះសីហនុ (ជនដៃដល់) និងឈ្មោះ សុខ ភារិន ភេទប្រុស អាយុ ២៦ឆ្នាំ មុខរបរ មិនពិតប្រាកដ មានទីលំនៅផ្ទះជួល ភូមិ៣ សង្កាត់៤ ក្រុង-ខេត្តព្រះសីហនុ (ជនដៃដល់ រត់គេចខ្លួន) ។

វត្ថុតាងចាប់យកបាន៖ ទូរស័ព្ទចំនួន១គ្រឿង ម៉ាក TRUE,លុយដុល្លារ ២៩ដុល្លារ និងលុយខ្មែរ ១៤,០០០រៀល ។

ជនរងគ្រោះឈ្មោះ ដូង ស្រីគា ភេទស្រី អាយុ ២៣ឆ្នាំ មុខរបរ អ្នកគិតលុយ មានទីលំនៅក្រុមទី៤ ភូមិ៤ សង្កាត់៤ ក្រុង-ខេត្តព្រះសីហនុ ។

សម្ភារបាត់បង់៖ ទូរស័ព្ទចំនួន១គ្រឿង ម៉ាក TRUE,ទូរស័ព្ទចំនួន១គ្រឿង ម៉ាកណូគារ និងលុយដុល្លារ ៤០ដុល្លារ ។

ចំពោះជនសង្ស័យខាងលើនេះ ការិយាល័យនគរបាលព្រហ្មទណ្ឌកម្រិតស្រាល កំពុងសាកសួរ និងកសាងសំណុំរឿងដើម្បីបញ្ជូនទៅសាលាដំបូងខេត្ត ៕ ឆ្លាម សមុទ្រ