សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ក្រុមជនសង្ស័យជាមុខសញ្ញាចោរឆក់ នៅក្នុងភូមិសាស្ត្ររាជធានីភ្នំពេញ៦នាក់ ដែលរត់មកលាក់ខ្លួន និងត្រៀមធ្វើសកម្មភាពប្រព្រឹត្តបទល្មើសចោរកម្មនៅលើដែនដីកោះរ៉ុង ត្រូវបានកម្លាំងនគរបាលប៉ុស្តិ៍រដ្ឋបាលសង្កាត់កោះរ៉ុង ស្រាវជ្រាវ និងឈានទៅចាប់ឃាត់ខ្លួនបាននៅវេលាម៉ោង 10និង30នាទីព្រឹក ថ្ងៃ៣០ ខែកក្កដា ឆ្នាំ២០១៧ ចំណុចភូមិកោះតូចសង្កាត់កោះរ៉ុងសន្លឹម ខេត្តព្រះសីហនុ ។
សមត្ថកិច្ចបានឲ្យដឹងថា ជនសង្ស័យបាន៦នាក់ដែលចាប់ខ្លួននេះមានឈ្មោះ
១ ឈ្មោះជី វឌ្ឍនៈ ភេទប្រុស អាយុ២១ឆ្នាំ មុខរបរជាងជួសជុលរថយន្តមានទីលំនៅភូមិ២៣ សង្កាត់ស្រះចក ខណ្ឌដូនពេញរាជធានីភ្នំពេញ។
២ ជី សន្តដា ភេទប្រុស អាយុ១៩ឆ្នាំ មុខរបរសិស្ស មានទីលំនៅភូមិ២៣សង្កាត់ស្រះចក ខណ្ឌដូនពេញ រាជធានីភ្នំពេញ។
៣ ហ៊ួរ លីហួ ភេទប្រុស អាយុ១៨ឆ្នាំ មុខរបរសិស្ស មានទីលំនៅភូមិ២១សង្កាត់ស្រះចក ខណ្ឌដូនពេញ រាជធានីភ្នំពេញ។
៤ ឡូយ អ៊ីនយ៉ា ភេទប្រុស អាយុ១៨ឆ្នាំ មុខរបរសិស្ស មានទីលំនៅក្រុមទី២៥៨ភូមិ២១ សង្កត់ស្រះចក ខណ្ឌដូនពេញរាជធានីភ្នំពេញ។
៥ គឹម សាន់ឃែ ភេទប្រុស អាយុ១៨ឆ្នាំ មុខរបរសិស្ស មានទីលំនៅក្រុមទី២៥៨ភូមិ២១ សង្កាត់ស្រះចក ខណឌដូនពេញរាជធានីភ្នំពេញ។សូមបញ្ជក់៥នាក់ខាងលើមិនមានការពាក់ព័ន្ធទេ។
៦ ហង្ស វីរៈ ហៅ បឹប អាយុ១៧ឆ្នាំ ភេទប្រុស មុខរបរមិនពិតប្រាកដ មានទីលំនៅ សង្កាត់ស្រះចក ខណ្ឌដូនពេញរាជធានីភ្នំពេញ ជនដៃដល់។
ក្រោយពេលឃាត់ខ្លួនភ្លាមជនសង្ស័យទាំង៦នាក់ ត្រូវបានបញ្ជូនដោយដឹកតាមអូរប័រយកទៅស្នងការខេត្ត រួចបញ្ជូនបន្តទៅរាជធានីនៅវេលាម៉ោង១០និង៣០នាទីយបថ្ងៃដដែល ៕ ឆ្លាម សមុទ្រ
