ឡានម៉ាកហ៊ីណូដឹកឈើអារមួយគ្រឿងដាច់កាឡេក្រឡាប់កណ្តាលផ្លូវ

ភ្នំពេញ៖ រថយន្តមួយគ្រឿងម៉ាកហ៊ីណូ ដឹកឈើអារ មកពីតំបន់ព្រែកតាមាក់ ក្នុងគោលបំណងឆ្ពោះទៅកាន់ក្រុង តាខ្មៅ ខេត្តកណ្តាល ប៉ុន្តែខណៈកំពុងមកដល់ទឹកដីខណ្ឌសែនសុខ បែរជារថយន្តដាច់កាឡេ ទៅមុខលែងរួច ក្រឡាប់កង់ឡើងលើដេកយ៉ាងស្អាត និងមិនបង្កឲ្យរងរបួស ឬគ្រោះថ្នាក់ដល់អាយុជីវិតណាម្នាក់ទេ។

ហេតុការណ៍នេះបង្កឲ្យភ្ញាក់ផ្អើលកាលពីវេលាម៉ោង៩និង៣០នាទីព្រឹកថ្ងៃទី១ ខែសីហា ឆ្នាំ២០១៧ ស្ថិតនៅតាមបណ្តោយផ្លូវភ្នំពេញ ហាណូយ ភូមិអន្លង់ក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ ៕ តុង សីហា