សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ កាលពីវេលាម៉ោង២៤និង៥០នាទីទៀបភ្លឺ ថ្ងៃទី២ ខែសីហា ឆ្នាំ២០១៧ មានករណីគ្រោះថ្នាក់ចរាចរណ៍ រវាងរថយន្តបុក នឹងម៉ូតូក្នុងទិសដៅបញ្ច្រាសទិសគ្នា បណ្តាលឲ្យមនុស្សនៅនឹងកន្លែង។
ហេតុការណ៍នេះបានកើតឡើងនៅចំណុចកែងមុខវត្តឫស្សីជះ ឃុំត្បែង ស្រុកកំពង់ស្វាយ ខេត្តកំពង់ធំ បណ្ដាលឲ្យបុរស២នាក់ជាបុគ្គលិកភោជនីយដ្ឋាន សម្រស់ព្រៃប្រស់ ស្លាប់។
សមត្ថកិច្ចបានឲ្យដឹងថា អ្នកបង្កឡើងដោយ យន្តម៉ាកហាយឡេនឌឺ ពណ៌ទឹកប្រាក់ ពាក់ស្លាក់លេខ សៀមរាប ២A៧៣៣៩ អ្នកបើកបររត់បាត់ មិនស្គាល់អត្តសញ្ញាណ ចំណែកអ្នកបើកបរម៉ូតូ C១២៥ ពណ៌ខ្មៅ ពាក់ស្លាកលេខ កំពង់ធំ ១F៤៨៥០ បើកបរដោយ ឈ្មោះណុប ស្រីអូន ភេទប្រុស អាយុ៣២ឆ្នាំ មុខរបរ បុគ្គលិក ភោជនីយដ្ឋាន សម្រស់ព្រៃប្រស់ (ស្លាប់នឹងកន្លែង) រីឯអ្នករួមដំណើរ ឈ្មោះ ឆែម ប៊ុនឈិន ភេទប្រុស អាយុ ២៤ឆ្នាំ មុខរបរ ជាបុគ្គលិក ភោជនីយដ្ឋាន សម្រស់ព្រៃប្រស់ រស់នៅ ភូមិនាងពុក ឃុំបាក់ខ្លង ស្រុកមណ្ឋលសីម៉ា ខេត្តកោះកុង (ស្លាប់នៅកន្លែងកើតហេតុដូចគ្នា) ។
ក្រោយកើតហេតុ សមត្ថកិច្ចបានវាស់វែង ធ្វើកំណត់ហេតុប្រមូលវត្ថុតាង យកទៅរក្សាទុកនៅអធិការដ្ឋាននគរបាលស្រុកកំពង់ស្វាយ និងបើកការស្រាវជ្រាវរកជនបង្កមកដោះស្រាយគ្នាតាមច្បាប់ ។ ចំណែកសាកសព ប្រគល់ឲ្យសាច់ញាតិក្រុមគ្រួសារយកទៅបុណ្យតាមប្រៃណី៕ ប៊ុនរិទ្ធី
