សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ៤នាក់ត្រូវសមត្ថកិច្ចប៉ុស្តិ៍ផ្សារដើមថ្កូវចាប់វាយខ្នោះ រួមនឹងថ្នាំញៀន១កញ្ចប់តូច កាលវេលាម៉ោង១១និង០០នាទីព្រឹក ថ្ងៃទី២ ខែ សីហា ឆ្នាំ ២០១៧នៅចំណុចច្រកឌ្រឺហែមឃ្យូប៊ីទូរស័ព្ទ013 តាមផ្លូវព្រះមុនីវង្ស ក្រុម៣២ ស្ថិតនៅភូមិ៥ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
លោក សូរ សំបាន នាយបុ៉ស្តិ៍នគរបាលរដ្ឋបាលផ្សារដើមថ្កូវ ខណ្ឌចំការមន បានប្រាប់ថា ដោយកម្លាំងល្បាតក្នុងភូមិសាស្រ្តក៏ប្រទះឃើញបុរស៤នាក់ជិះម៉ូតូម៉ាហុងដាc125 ពាក់ស្លាកលេខលេខ 1CS.9587 ហើយពេលឃើញសមត្ថកិច្ចក៏បើកមូ៉តូរត់គេច តែដោយមានការសង្ស័យក៏ដេញឃើញបាន និងឆែកត្រួតពិនិត្យរកឃើញថ្នាំញៀន១កញ្ចប់តូច។
ជនសង្ស័យទី១មានឈ្មោះ សុខ សំណាង ហៅតឿ ភេទប្រុស អាយុ៣៦ឆ្នាំ មុខរបរបុគ្គលិកក្រុមហ៊ុនបាញ់ថ្នាំមូស ស្នាក់នៅបន្ទប់ជួល ក្រុម៣២ ភូមិ៥ សង្កាត់ផ្សារដើមថ្កូវ ខណ្ឌចំការមន(ជួញដូរ)ជាម្ចាស់បន្ទប់ជួលមានឧបករណ៍សំរាប់ជក់គ្រឿងញៀននិងថង់ប្លាសិចមួយចំនួនជនសង្ស័យទី២មានឈ្មោះ សំ សារេ៉ត ភេទប្រុស អាយុ៣៣ឆ្នាំមុខរបររត់ម៉ូតូឌុបស្នាក់នៅភូមិក្បាលទំនប់ សង្កាត់បឹងទំពុន ខណ្ឌមានជ័យ(ប្រើប្រាស់)ជនសង្ស័យទី៣មានឈ្មោះ អឹុង ម៉េងហ័ង ភេទប្រុស អាយុ២០ឆ្នាំមុខរបរមិនពិតប្រាកដស្នាក់នៅមិនពិតប្រាកដ(ជួញដូរ)ជនសង្ស័យទី៤មានឈ្មោះ ហម សៀវហ្វី ភេទប្រុស អាយុ២៥ឆ្នាំមុខរបរមិនពិតប្រាកដស្នាក់នៅភូមិរោងចក្រ សង្កាត់ភ្នំពេញថ្មី ខណ្ឌសែនសុខ(ប្រើប្រាស់) ។
សមត្ថកិច្ចបន្តថា ក្រោយពីសួរនាំជនសង្ស័យទាំង៤នាក់ ក៏បានឆ្លើយសារភាពថា អ្នកបើកមូ៉តូ ជូនបុរសអ្នកអង្គុយខាងក្រោយទៅទិញថ្នាំញៀន ហើយពេលត្រលប់មកវិញក៏ប្រទះជួបនិងសមត្ថកិច្ចចាប់វាយខ្នោះបន្ទាប់ពីរកឃើញគ្រឿងញៀនហើយក៏ធ្វើការដកហូតក្រាមសថ្លាចំនួន១កញ្ចប់តូចរួមនិងវត្ថុតាងសំរាប់ជួក់។
ក្រោយពេលកើតហេតុជនសង្ស័យទាំង៤នាក់រួមនិងវត្ថុតាង ត្រូវបានសមត្ថកិច្ចនាំទៅកាន់ប៉ុស្តិ៍នគរបាលរដ្ឋបាលផ្សារដើមថ្កូវធ្វើការសាកសួរ និងកសាងសំណុំរឿងបញ្ជូនទៅអធិការដ្ឋាននគរបាលខណ្ឌចំការមនដើម្បីចាត់ការបន្តតាមច្បាប់៕ ស រស្មី
