សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បើករថយន្តកុងទីន័រចុះពីលើស្ពានច្បារពៅទៅតាមបណ្ដោយផ្លូវជាតិលេខ ១ បំណងទៅខេត្ត ខណៈមកដល់ចំណុចកើតហេតុមានរថយន្តព្រួសមួយគ្រឿង ដែលបើកស្របគ្នាវ៉ាជែងខាងស្ដាំបណ្ដាលឲ្យប៉ះគួទក្រោយហើយបានបួងចង្កូចមកឆ្វេងវិញ ក៏ជ្រុលឡើងលើសួនច្បារពុះចែកផ្លូវ សំណាងគ្មានអ្នករងរបួស។
ហេតុការណ៍នេះបានកើតឡើងកាលពីវេលា ម៉ោង៩និង៣០នាទីយប់ថ្ងៃទី៣ខែសីហាឆ្នាំ២០៧ នៅតាមបណ្ដោយផ្លូវជាតិលេខ ១ត្រង់ចំណុចស្តុបច្បារអំពៅ ស្ថិតក្នុងសង្កាត់ច្បារអំពៅ១ ខណ្ឌច្បារអំពៅ ។
សាក្សីនៅកន្លែងកើតហេតុបានអោយដឹងថានៅមុនពេលកើតហេតុគេបានឃើញរថយន្តម៉ាកព្រូសពណ៍ក្រហម ពាក់ស្លាកលេខភ្នំពេញ2X 1031 បើកបរដោយបុរសម្នាក់ធ្វើដំណើរចុះពីស្ពានច្បាអំពៅទិសដៅពីលិចទៅកើត ខណៈមកដល់ចំណុចកើតហេតុក៏រេចង្កូតឡើងឃៀនផ្លូវភ្លាមនោះស្របពេលដែលរថយន្តកុតឺន័រពណ៍ស ពាក់ស្លាកលេខ ភ្នំពេញ 3D 1211 បើកបរដោយបុរសម្នាក់ ធ្វើដំណើរមកពីក្រោយដោយចាំហ្វ្រាំងមិនទាន់ ក៏ជ្រុលបុកគូទរថយន្តព្រូសបណ្តាលឲ្យរងការខូចខាតផ្នែកខាងឆ្វេង។
ក្រោយពេលកើតហេតុភាគីទាំងសងខាងបានសម្របសម្រួលគ្នាដោយចេញថ្លៃជួសជុលរៀងខ្លួនមិនរំខានដល់សមត្ថកិច្ច៕ ភារ៉ា ដង្កោ
